ՆԱԽԱԳԱՀ ՍԸԼԷՅՄԱՆ ԶՕՐԱԿՑԱԿԱՆ ԽՈՍՏՈՒՄՆԵՐ ՍՏԱՑԱՒ ՈՒԱՇԻՆԿԹԸՆԷՆ

0
110

 Միացեալ Նահանգներու փոխպետական քարտուղար Ուիլըմ Պըրնզ  կարճ այցելութիւն մը տուաւ  Պէյրութ:  Պըրնզ իր հանդիպումները սկսաւ  Ազգային Պայքարի Ճակատ   խորհրդարանական խմբաւորումի պետ  Ուալիտ Ճոմպլաթէն:   Հանդիպման ընթացքին,  Ճոմպլաթ յայտնեց, թէ  անհրաժեշտ է զանազանութիւն դնել  Լիբանանի  մէջ գործող  Հըզպալլայի եւ   արտերկրի  Հըզպալլային  միջեւ, ինչպէս նաեւ Լիբանանը  հեռու պահել շրջանային  փոթորիկներու  ալիքներէն: Ամերիկացի դիւանագէտը երէկ առաւօտեան այցելեց վարչապետարան եւ հանդիպում մը ունեցաւ  հրաժարեալ վարչապետ  Նեժիպ Միքաթիի հետ:Ապա ան այցելեց    նորանշանակ վարչապետ Թամամ Սալամին եւ հանրապետութեան նախագահ Միշէլ Սըլէյմանին: Պըրնզ նաեւ այցելեց խորհրդարանի նախագահ Նեպիհ Պըրրիին, լիբանանեան բանակի ընդհանուր հրամանատար զօրավար Ժան Քահուաճիին: Պըրնզի  հանդիպումներուն կ’ընկերակցէր  Լիբանանի մօտ Միացեալ Նահաննգերու դեսպան  Մորա Գոնելին: Նախքան Լիբանանէն  մեկնումը,  Պըրնզ կնքեց   մամլոյ ասուլիս մը, փոխանցելով  նախագահ Պարաք Օպամայի, փոխնախագահ Ճօ Պայտընի եւ պետական քարտուղար Ճոն Քերրիի զօրակցութիւնը՝ Լիբանանի  ապահովական կայունութիւնը պահպանելու, ինչպէս նաեւ շրջանային զարգացումներու  վերաբերեալ  չէզոք  քաղաքականութիւն պահպանելու   ուղղութեամբ   հանրապետութեան նախագահ  Միշէլ Սըլէյմանի քայլերուն: Ան խոստացաւ աւելցնել  լիբանանեան բանակին առաքուող  ամերիկեան  օժանդակութիւնները:

Հանրպետութեան նախագահը  ընդունեց  Հնդկաստանի արտաքին գործոց նախարար Շարի Ահմէտ  Սալման Խուրշիտը եւ անոր հետ քննարկեց  երկկողմ փոխյարաբերութիւնները  զարգացնելու կարելիութիւնները:  Խուրշիտ  մաղթեց քաղաքական  լուծում մը գտնել  Սուրիոյ հակամարտութեան:  Վերջինս նաեւ այցելեց հրաժարեալ վարչապետ Նեժիպ Միքաթիին:  Միքաթի ընդունեց  ուժանիւթի եւ  ջուրի հրաժարեալ նախարար  Ժըպրան Պասիլը:

LEAVE A REPLY

Please enter your comment!
Please enter your name here