ՍԱԼԱՄ ԱՄԵՆԱՇՈՒՏ ՄԻՋՈՑԻՆ ԿԸ ՓՈՐՁԷ ԿԱԶՄԵԼ ԿԱՌԱՎԱՐՈՒԹԻՒՆԸ

0
109

Նորանշանակ վարչապետ  Թամամ Սալամ  յայտարարեց, թէ ամենաշուտ միջոցին կը փափաքի կազմել նոր կառավարութիւնը: Ան   ըսաւ, թէ  Լիբանան եւ Միջին Արեւելքը  թեւակոխած են վտանգաւոր հանգրուան մը: Ան  նշեց, թէ բոլոր ընտրանքները  բաց կը մնան  իր առջեւ,իսկ Մարտ 8-ի ուժերը առայժմ ոչ մէկ  կեցուածք փոխանցած են իրեն: Սալամ  յայտնեց, թէ  կառավարութիւնը  հիմնաւորուած   պիտի  ըլլայ «Երեք Ութեր»ու տարազով, իսկ  ինք պիտի դառնայ բոլորին երաշխաւորը:  Ան նշեց, թէ Սէուտական Արաբիա չի  փափաքիր միջամուխ  դառնալ կառավարութեան  կազմութեան աշխատանքներուն, զայն նկատելով լիբանանեան գործընթաց մը: Լիբանանեան Ուժեր Կուսակցութեան գործադիր խորհուրհդի պետ Սամիր Ժաաժա  յայտնեց, թէ  վերջաւորութեան   Սալամ պիտի կազմէ իրողական կառավարութիւն կամ՝  ներկայացնէ հրաժարականը:

 Սալամ ընդունեց  մարոնի համայնքի Պէյրութի առաջնորդ Պուլոս Մաթար եպիսկոպոսը, ինչպէս նաեւ  ներքին ապահովութեան ուժերու  ընդհանուր տնօրէնի գործակատար գնդապետ Իպրահիմ Պասպուսը:

 Հաւատարմութիւն Դիմադրութեան խորհրդարանական խմբաւորումի պետ Մուհամմէտ Ռաատ յայտարարեց, թէ  բոլոր անոնք, որոնք կը մերժեն Դիմադրութիւնը կը փափաքին, որ Իսրայէլը կառավարէ Լիբանանը: Ռաատ, նշանակեալ վարչապետ Թամամ Սալամէն պահանջեց վերջ դնել ժամավաճառութեան, որովհետեւ մերժուած է  կառավարութեան կազմին շուրջ « Երեք Ութ»երու  ձեւաչափը

LEAVE A REPLY

Please enter your comment!
Please enter your name here