ԳԱՐՏԻՆԱԼ ՌԱՅԻ ԱՅՑԵԼԵՑ ՊԱԱՊՏԱ

0
172

Մարոնիներու  Պշարա  Ռայի  գարտինալը երէկ կէսօրին  այցելութիւն մը տուաւ  Պապտայի  պալատ եւ  հանդիպում մը ունեցաւ հանրապետութեան նախագահ Միշէլ Սըլէյմանի հետ: Ռայի  ցաւակցութիւն  յայտնեց հանրապետութեան նախագահին,  Սայտայի մէջ  լիբանանեան բանակին տուած նահատակներուն համար եւ  քննարկեց   լիբանանեան  բեմին վերջին զարգացումները:

Նախագահ Սըլէյման  ընդունեց  Լիբանանի մօտ Քուէյթի դեսպան  Ապտէլ Ալ Քինային եւ այլ անձնաւորութիւններ:

Նորանշանակ վարչապետ  Թամամ Սալամ յայտարարեց, թէ կառավարութիւն կազմելու աշխատանքները կը  գտնուին մեկնարկի կէտին վրայ:

Խորհրդարանի նախագահ Նեպիհ Պըըրի  զարմանք յայտնեց  խորհրդարանի արտակարգ նիստ  հրաւիրելու  առիթով  հրաժարեալ վարչապետ Նեժիպ Միքաթիի  կեցուածքէն, մանաւանդ,  որ ըստ  Պըրրիի՝  Միքաթի նախապէս  յայտնած է, թէ յատուկ հրամանագիրի մը   անհրաժեշտութիւնը  չի տեսներ արտակարգ  նիստ գումարելու  համար:  Մուսթաքպալ Հոսանքի անդամ, երեսփոխան   Խալէտ Զահրըման  նշեց, թէ  Պըրրիի հետ   փոխյարաբերութիւնները կը  շարունակուին, իսկ   Թամամ Սալամ սկսած է ընկղմիլ Հըզպալլայի պայմաններուն տակ:

LEAVE A REPLY

Please enter your comment!
Please enter your name here