ԵԳԻՊՏՈՍ ՀՐԱԲՈՒԽԻ ՎՐԱՅ – ՄՈՐՍԻ ԿԸ ՄԵՐԺԷ ՏԵՂԻ ՏԱԼ ՊԱՀԱՆՋՆԵՐՈՒՆ

0
128

Եգիպտոսի  տարբեր  քաղաքներու մէջ  բուռն բախումներ տեղի կ’ունենան նախագահ  Մորսիի  կողմնակիցներուն եւ   հակառակորդներուն միջեւ: Մորսի  մերժեց  բանակին հաղորդագրութիւնը, ընդգծելով   թէ բանակը  նախապէս չէր  խորհրդակցած  անոր  հետ հաղորդագրութեան  բովանդակութեան  շուրջ:   Մորսի    շեշտեց, թէ պիտի  չարտօնէ, որ   Եգիպտոս  վերադառնայ անցեալին: Բանակը՝ ժողովորդին պահանջները գոհացնելու   48  ժամուան պայմանաժամ մը տուած էր  քաղաքական բոլոր հոսանքներուն:  Ընդդիմութիւնը կը  պահանջէ Մորսիի  հրաժարականը եւ   նախագահական նոր ընտրութիւններ:   Ալ Տաուա Ալ Սալաֆիա  կազմակերպութիւնը   վաղաժամ նախագահական ընտրութիւններ կատարելու կոչ  ուղղեց իշխանութիւններուն:

Սպիտակ  Տան մէջ, նախագահ  Պարաք Օպամա՝  ցուցարարներու պահանջներուն  ընթացք տալու  կոչ մը ուղղեց  նախագահ  Մորսիին:

Եգիպտոսի  կառավարութիւնը առանց ներքին  գործոց եւ պաշտպանութեան նախարարներու մասնակցութեան նիստ մը գումարեց երէկ  կէսօրին:  Ականատեսներ կը  վկայեն, թէ նախագահ Մոհամմէտ Մորսի արդէն  լքած է նախագահական  պալատը  եւ ապաստանած է  պալատը պաշտպանող  բանակին մօտ:

Վճռաբեկ ատեանը որոշեց  վերականգնել  Ապտէլհամիտ  Մահմուտը՝ գլխաւոր դատախազի պաշտօնին վրայ: Զինք նախապէս պաշտօնէն արձակած էր նախագահ  Մորսին:

LEAVE A REPLY

Please enter your comment!
Please enter your name here