ԹՈՒՐՔԻԱ ԿԸ ՊԱՀԱՆՋԷ ՄԻԼԻՍՆԵՐՈՒ ՀԵՌԱՑՈՒՄԸ ՍՈՒՐԻԱՅԷՆ

0
109

Թուրքիա յայտարարեց, որ Սուրիոյ 27-ամսեայ տագնապին խաղաղ լուծում մը անկարելի է, եթէ գետնի վրայ գտնուող օտար միլիսները, ներառեալ՝ Հըզպալլայի մարտիկները չհեռանան երկրէն։
Թուրքիոյ արտաքին գործոց նախարարութիւնը հաղորդագրութիւն մը հրապարակելով յայտնեց, որ Սուրիոյ վարչակարգը օտար միլիսներու, մասնաւորաբար Հըզպալլայի «առատաձեռն օժանդակութեամբ» հարիւր հազարաւոր բնակչութիւն ունեցող քաղաքները թիրախ կը դարձնէ։
Հաղորդագրութիւնը կը նշէ, որ սուրիական վարչակարգը հեռահար հրթիռներու կողքին նաեւ քիմիական զէնքեր կ՛օգտագործէ։ «Անկարելի է, որ տագնապին խաղաղ լուծում մը գոյանայ, առանց յարձակումներու դադրեցման եւ Սուրիայէն օտար միլիսներու հեռացման», նշուած է հաղորդագրութեան մէջ։

LEAVE A REPLY

Please enter your comment!
Please enter your name here