ԱՊՊԱՍ՝ ՊԱՂԵՍՏԻՆՑԻՆԵՐԸ ՄԻՋԱՄՈՒԽ ՊԻՏԻ ՉԴԱՌՆԱՆ ԼԻԲԱՆԱՆԵԱՆ ԶԱՐԳԱՑՈՒՄՆԵՐՈՒՆ

0
97

Պաղեստինեան  Իշխանութեան նախագահ  Մահմուտ Ապպաս  եռօրեայ այցելութեամբ ժամանեց Լիբանան:  Պէյրութի   միջազգային  օդակայանին  մէջ  պաշտօնական ընդունելութեան արարողութիւններէն  ետք,  Ապպաս սկսաւ իր այցելութիւններուն, որուն  առաջին կայարանը  եղաւ Պաապտայի պալատը: Ապպաս եւ  հանրապետութեան նախագահ  Միշէլ Սըլէյման  քննարկեցին  երկկողմ յարաբերութիւնները: Ապա անոնք կնքեցին   միացեալ մամլոյ ասուլիս  մը:  Մահմուտ Ապպաս  յայտնեց, թէ  պաղեստինցիները ժամանակաւոր  հիւրեր են  Լիբանանի մէջ եւ  երբեւիցէ  չեն հետապնդեր  քաղաքական կամ ապահովական ծրագիրներ: Ան անդրադարձաւ  միջինարեւելեան խաղաղութեան բանակցութիւններոգն, շեշտերով բնակութեան  ծրագիրները դադրեցնելու  նախապայմանը:  Ապպաս  իր զօրակցութիւնը  յայտնեց  Լիբանանի  օրինական  իշխանութիւններուն եւ  սահմանադրական կառոյցներուն:  Ան ընդգծեց, թէ պաղեստինեան  գաղթակայանները  ոչ մէկ կերպ միջամուխ  կրնան  դառնալ  ներլիբանանեան զարգացումներուն: Նախագահ Սըլէյման Ապպասի այցելութիւնը պատուեց  ընթրիքով մը:

Հանրապետութեան նախագահ Միշէլ Սըլէյման, Պաապտայի պալատին մէջ ընդունեց բանակի ընդհանուր  հրամանատար զօրավար Ժան Քահուաճին եւ հրաժարեալ ներքին գործոց նախարար Մարուան Շերպէլը:  Սըլէյման իրազեկ դարձաւ  Թրիփոլիի եւ Սայտայի ապահովական իրավիճակին:  Սըլէյման  ստացաւ Բանակի Օրուան առիթով  նախատեսուած  հանդիսութիւնը  հովանաւորելու  հրաւէրը:

LEAVE A REPLY

Please enter your comment!
Please enter your name here