ԵՐԵՒԱՆԻ ՄԷՋ ԿԱՏԱՐՈՒԵՑԱՒ ԻՐԱՒՈՒՆՔՆԵՐՈՒ ԳԵՐԱԿԱՅՈՒԹԵԱՆ ՀԱՐՑԵՐՈՒ ՆՈՒԻՐՈՒԱԾ ՀԱՄԱԵՒՐՈՊԱԿԱՆ ԽՈՐՀՐԴԱԺՈՂՈՎԻՆ ԲԱՑՈՒՄԸ

0
129

Եւրոպայի Խորհուրդի  Նախարարներու  Խորհուրդի մէջ  Հայաստանի  նախագահութեան   ծիրին մէջ, Հայաստանի Ազգային Ժողովին մէջ  տեղի ունեցաւ«Իրաւունքի Գերակայութեան Եւրոպական չափորոշիչներու եւ Իշխանութիւններու  հայեցողութեան սահմանները, Եւրոպական  Խորհուրդի Անդամ  Երկիրներու Մէջ»  համաեւրոպական  խորհրդաժողովին բացումը:  Այս առիթով ընթերցուեցաւ Հայաստանի նախագահ Սերժ Սարգսեանի ուղերձը խորհրդաժողովի մասնակիցներուն: « Հայաստանի նախագահութիւնը  մեծ կարեւորութիւն  կու տայ եւրոպական  չափորոշիչներու  արդիւնաւէտութեան  բարձրացման ջանքերուն» յայտարարեց արտաքին գործոց նախարար  Էտուարտ Նալպանտեան  իր   խօսքին մէջ:

Խորհրդաժողովին մասնակցեցան  32  երկիրներու եւ  միջազգային կառոյցներու  80 ներկայացուցիչներ:  Այս  առիթով Երեւան   ժամանած է Մարդու Իրաւունքներու Եւրոպական Դատարանի  նախագահ  Տին  Շփիլմանը: Ան  յայտարարեց, թէ խորհրդաժողովը  շատ կարեւոր է այն առումով, որ  ան  տեղի կ’ունենայ  Հայաստանի նախագահութեան  ծիրին մէջ: Ան նշեց, թէ պէտք է յարգել մարդու իրաւունքներու  Եւրոպական  Ուխտին մէջ ամրագրուած   իրաւունքները եւ  ազատութիւնները:

Եւրոպական Խորհրդարանի Վենետի Յանձնաժողովի նախագահ  Ճիանի  Պուքիքօ նշեց, թէ   որոշումները պէտք է կայացնել մեկնելով ընկերային իրականութենէն, եւ  դատարաններուն  կարելի  չէ  ստիպել  կուրօրէն հետեւիլ օրէնքներուն:

LEAVE A REPLY

Please enter your comment!
Please enter your name here