ՄՈՐՍԻ ԿԸ ՄԵՐԺԷ ՀԵԶԱՍԱՀ ԻՇԽԱՆԱՓՈԽՈՒԹԵԱՆ ԲԱՆԱԿԻՆ ՆԱԽԱՁԵՌՆՈՒԹԻՒՆԸ

0
119

 Եգիպտոս  կը գտնուի ամբողջական  քայքայումի եզրին:  Երկրին   գլխաւոր   ճանապարհները  ողողած են նախագահ Մորսիի  կողմնակիցներու եւ  ընդդիմադիրներու  զօրանոցներով:  Կ կարգ մը  շրջաններու մէջ,   բնակիչները քաղաքացիական ընմբոստութիւն յայտարարած են  Մորսիի դէմ: Նախագահ Մորսի անդրդուելի կը մնայ իր հրաժարականը պահանջող բողոքներուն առջեւ:  Ընդդիմութիւնը   Մորսիի  կեցուածքը կ’ընդունի իբրեւ  պատերազմի յայտարարութիւն:  Եգիպտոսի ընդդիմութիւնը  իշխանութիւններուն հետ բանակցելու համար  իբրեւ ներկայացուցիչ  ընտրեց  Աթոմային  Ուժանիւթի  Միջազգային  Գործակալութեան  նախկին տնօրէն  Մուհամմէտ Ալ  Պարատէյին:  Ալ Պարատէյ  կը ներկայացնէ « 30 Յունիս»ի ճակատը:  Բանակի  հրամանատարութիւնը երէկ առաւօտեան  նիստ մը գումարեց   Մորսիի  պատասխանին լոյսին տակ: Բանակի  շտապը  յայտարարեց, թէ պատրաստ է  երկիրը ազատագրելու «ահաբեկիչներէն,  արմատականներէն եւ  յիմարներէն»  եւ  յանուն  ժողովուրդին՝ պատրաստ է  հեղելու իր արիւնը:  Կ’ըսուի, թէ բանակի  հրամանատարութիւնը մշակած է  իշխանափոխութեան  ծրագիր մը:  Բանակը կ’առաջարկէ կազմել  երեք անդամներէ  բաղկացած նախագահական խորհուրդ մը, անոնց վրայ պիտի  իշխէ    Սահմանադրական Խորհուրդի նախագահը: Բանակը Մորսիին   պիտի առաջարկէ  ինքնակամ հեռանալ, այլապէս՝ զինք պիտի  փոխարինեն զինուորականներ:
Քաղաքական  մեկնաբաններու կարծիքով, Եգիպտոս  պիտի բոլորէ   9-12 ամիս  տեւողութեամբ  անցումային  շրջան մը: Այդ  միջոցին պիտի կազմուի երկրին նոր սահմանադրութիւնը, որուն լոյսին տակ տեղի պիտի ունենան խորհրդարանական եւ նախագահական ընտրութիւններ:   

ՄԱԿ-ի ընդհանուր քարտուղար  Պան Քի Մուն դատապարտեց  Եգիպտոսի  ցոյցերուն ընթացքին տեղի ունեցող  սեռային  բնոյթով  յարձակումները, ինպէս նաեւ  կանանց  դէմ  գործադրուած  բռնութիւնները: Ֆրանսայի արտաքին գործոց նախարար Լորան Ֆապիւս՝  ժողովուրդին պահանջները  լսելու կոչ ուղղեց նախագահ Մորսիին:

 Նախկին նախագահ  Հիւսնի  Մուպարաք՝ իր օրինակին հետեւելու  կոչ ուղղեց  նախագահ Մորսիին, իսկ  Ժամաա  Իսլամիյէ  կազմակերպութիւնը  շուտափոյթ նախագահական ընտրութիւններ  կազմակերպելու կոչ մը ուղղեց:  

Բրիտանիա եւ Քուէյթ իրենց  քաղաքացիներուն  թելադրեցին     հեռանալ Եգիպտոսէն

 «Սքայ Նիուզ»  հեռատեսիլի կայանը հաղորդեց, թէ  զոհերուն թիւը  բարձրացած  է քսանի:

LEAVE A REPLY

Please enter your comment!
Please enter your name here