ՈՒԱՇԻՆԿԹԸՆ ԿԸ ՀԱՒԱՏԱՅ ԱՐՑԱԽԻ ՀԱՐՑԻ ԽԱՂԱՂ ԿԱՐԳԱՒՈՐՄԱՆ

0
108

Ուաշինկթըն կը հաւատայ ղարաբաղեան հակամարտութեան խաղաղ կարգաւորման կարելիութեան: Այս մասին Պաքուի մէջ յայտարարեց Ռուսիոյ, Ուքրանիոյ եւ Եւրասիոյ հարցերով Միացեալ Նահանգներու պաշտպանութեան փոխնախարարի օգնական Էվելին Ֆարքսը:
«Ես Ատրպէյճան եկած եմ անվտանգութեան ոլորտին մէջ երկկողմանի համագործակցութեան եւ կապերու վերաբերեալ հարցեր քննարկելու», լրագրողներուն հետ ունեցած հանդիպումին ընթացքին յայտնեց ան,  ըստ 1news.az-ի:

Ֆարքս ընդգծեց Ատրպէյճանի եւ Միացեալ Նահանգներու միջեւ անվտանգութեան ոլորտին մէջ առկայութիւնը սերտ կապերու, որոնք «օրէ օր կ՛ընդարձակուին»: «Մենք աշխոյժ կերպով կը համագործակցինք Աֆղանիստանի մէջ խաղաղապահական առաքելութեան ծիրին մէջ», ընդգծեց  Միացեալ Նահանգներու պաշտպանութեան նախարարութեան ներկայացուցիչը:
Փենթակոնի պատուիրակութիւնը հանդիպում ունեցաւ Ատրպէյճանի արտաքին գործոց նախարար Էլմար Մամետիարովի հետ: Բանակցութիւնները տեղի ունեցան Պաքուի մօտ Միացեալ Նահանգներու դեսպան Ռիչըրտ Մորնինկսթարի մասնակցութեամբ:

LEAVE A REPLY

Please enter your comment!
Please enter your name here