ՊԸՐՐԻ ԿԸ ՊՆԴԷ՝ ԽՈՐՀՐԴԱՐԱՆԻ ԼԻԱԳՈՒՄԱՐ ՆԻՍՏԻՆ ՕՐԱԿԱՐԳԵՐԸ ՊԻՏԻ ՄՆԱՆ ԱՆՓՈՓՈԽ

0
102

Խորհրդարանի նախագահ  Նեպիհ Պըրրի դիտել  տուաւ, որ   խորհրդարանի  ընդայնուած  նիստին   օրակարգերը պիտի մնան անփոփոխ:  Ան  վերահաստատեց  նոր կառավարութիւն  կազմելու ուղղութեամբ Թամամ Սալամին  օգնելու  իր յանձնառութիւնը:  Մուսթաքպալ Հոսանքի անդամ, երեսփոխան  Սամիր Ճըսր յայտնեց, թէ 16 Յուլիսին  տեղի ունենալիք  խորհրդարանի  լիագումար  նիստը  պիտի ունենայ վերջին նիստին  ճակատագիրը, այնքան ժամանակ,  որ Պըրրի  կը  խորհի, թէ   փափաքած պահուն  նիստի կրնայ հրաւիրել խորհրդարանը:  Ճըսր միաժամաանկ  դատապարտեց  երկրին ապահովական կայունութիւնը խախտող բոլոր   ուժերը:

Պըրրի, նախորդ  Չորեքշաբթի օրերուն  նման, Այն Էլ Թինէի մէջ ընդունեց  երեսփոխաններ, որոնց մէջ ուշագրաւ էր  Ազգային Ազատ Հոսանքի  երեսփոխաններուն  բացակայութիւնը:

Նորանշանակ  Թամամ Սալամի մօտիկ   շրջանակներ   յայտնեցին, թէ տակաւին   ոչ մէկ   նորութիւն արձանագրած է նոր կառավարութեան  կազմութեան   հարցով:

LEAVE A REPLY

Please enter your comment!
Please enter your name here