ՓԸԹԻ ՖԻՒԹԷ ՅԱՏՈՒԿ ԲԱԺԻՆ ՄԸ ՆՈՒԻՐԱԾ Է ԼԵՌՆԱՅԻՆ ՂԱՐԱԲԱՂԻՆ

0
108

Ֆրանսայի մէջ լոյս տեսած է «Փըթի Ֆիւթէ» զբօսաշրջային տեղեկատուի 2013-ի վեցերորդ թիւը՝ նուիրուած Հայաստանին: Անոր մէջ Լեռնային Ղարաբաղը ներկայացուած է յատուկ գլուխով։
«Փըթի Ֆիւթէ»ը ֆրանսացի եւ ֆրանսալեզու զբօսաշրջիկներուն հասցէագրուած ամսաթերթ է: Անոր մէջ կարելի է հետաքրքրական եւ օգտակար տեղեկութիւն քաղել այս կամ այն երկրին կամ քաղաքին զբօսաշրջային ենթակառոյցին մասին:
Լեռնային Ղարաբաղին յատկացուած բաժինին մէջ ներկայացուած են երկրին մէջ զբօսաշրջութեան զարգացումը, համապատասխան ենթակառոյցներու ստեղծման գործընթացը:
Ամսաթերթի ընթերցողները կը ծանօթանան Արցախի պատմութեան, բնութեան եւ ճարտարապետութեան։ Նաեւ համառօտ կերպով անդրադարձ կը կատարուի Ատրպէյճանի եւ Լեռնային Ղարաբաղի միջեւ առկայ հակամարտութեան, 20ամեայ բանակցային գործընթացին եւ անոր մէջ ԵԱՀԿ-ի դերակատարութեան: Լեռնային Ղարաբաղ այցելել միտող զբօսաշրջիկներուն կ՛առաջարկուի այցելել Ստեփանակերտ, Շուշի, Գանձասարի վանական համալիր, Տիգրանակերտի թանգարան, Ասկերանի բերդ, Դադիվանքի հնագոյն եկեղեցի եւ այլն:
«Փըթի Ֆիւթէ»ի մէջ տեղեկութիւն կայ նաեւ Արցախի մայրաքաղաք Ստեփանակերտի մասին: Ներկայացուած է պանդոկներու, ճաշարաններու, Երեւանէն Ստեփանակերտ փոխադրամիջոցներու ցանկը՝ սակերով եւ ճամբորդութեան այլ մանրամասնութիւններով: Շուշիին վերաբերող բաժինին մէջ տեղեկատուութիւն կայ քաղաքի պատմութեան, կրթամշակութային կառոյցներու, պանդոկներու, զբօսաշրջային ենթակառոյցներու մասին:
Ամսաթերթին մէջ կարելի է նաեւ տեղեկատուութեան գտնել Լեռնային Ղարաբաղի տարածք մուտք գործելու պայմաններուն վերաբերեալ:

 

LEAVE A REPLY

Please enter your comment!
Please enter your name here