ԱՏԼԻ ՄԱՆՍՈՒՐ ՍՏԱՆՁՆԵՑ ԺԱՄԱՆԱԿԱՒՈՐ ԻՇԽԱՆՈՒԹԻՒՆԸ

0
253

Միջազգային եւ շրջանային   լուսարձակները կեդրոնացած են Եգիպտոսի զարգացումներուն վրայ, ուր վայրկեան առ վայրկեան տեղի կ’ունենան անկիւնադարձային  փոփոխութիւններ:Սակայն  բեւեռացած քաղաքական  կացութիւնը   շուտափոյթ  լուծում  չի խոստանար Փարաւոններու երկրին:

 Եգիպտոսի Սահմանադարական Ատեանի  նախագահ Ատլի  Մանսուր երէկ կատարեց երդմնակալութեան ուխտը, իբրեւ  ժամանակաւոր պետութեան  ղեկավար: Այս առիթով արտասանած իր խօսքին մէջ, Մանսուր յայտնեց  թէ  Իսլամական Եղբայրակցութիւնը  երկրին կարեւոր մէկ մասնիկն է: Ան՝ պետութիւն  կառուցելու  հրաւիրեց քաղաքական բոլոր ուժերը:

 Ամիսներու վրայ  երկարող  Եգիպտոսի  քաղաքական  տագնապը նոր  հանգրուան մը  թեւակոխեց,   երբ  Եգիպտոսի  պաշտպանութեան նախարար, բանակի  գերագոյն  հրամանատար, զօրավար Ապտուլ  Ֆաթահ  Ալ Սիսի  հեռատեսիլային   ուղղակի հաղորդումի մը  ընթացքին, յայտարարեց թէ  երկրին սահմանադրութեան կիրառութիւնը  ժամանակաւորապէս դադրած է: Սիսի  նշեց, թէ  Սահմանադրական  Ատեանի նախագահը ժամանակաւորապէս  պիտի ստանձնէ երկրին նախագահութեան  լիազօրութիւնները, որուն լոյսին տակ Մուհամմէտ Մորսի կը դադրի նախագահի պաշտօնէն: 

Գահիրէի Թահրիր  հարապարակի վրայ  հաւաքուած ցուցարարները ողջունեցին բանակի   հրամանատարութեան  յայտարարութիւնը: Մորսի նախապէս մերժած էր   բանակին կողմէ առաջարկուած  «Ճանապարհային Քարտէս»ը, ինչպէս նաեւ  48 ժամուան վերջնագիրը:  Ընդդիմութեան ղեկավար  Մուհամմէտ Ալ Պարատէյի  ողջունեց  բանակին  գործողութիւնները, զայն  նկատելով երկիրը  ճգնաժամէն դուրս  բերելու միջոց: Եգիպտոսի Սահմանադարական Ատեանի  նախագահ Ատլի  Մանսուր երէկ կատարեց երդմնակալութեան ուխտը, իբրեւ  ժամանակաւոր պետութեան  ղեկավար: Այս առիթով արտասանած իր խօսքին մէջ Մանսուր յայտնեց, թէ  Իսլամական Եղբայրակցութիւնը  երկրին կարեւոր մէկ մասնիկն են եւ հրաւիրուած են միասնաբար  կառուցելու  պետականութիւն:

Պաշտօնէն  հեռացուած նախագահ Մոհամմէտ Մորսի կը գտնուի ներքին գործոց նախարարութեան մօտ, կալանքի տակ:  Բանակը  անմիջապէս   ձերբակալեց   Իսլամական Եղբայրակցութեան աւելի քան՝  350 ղեկավարներ եւ  անդամներ:  Բանակը նաեւ  ձերբակալեց Ազատութիւն եւ  Արդարութիւն կուսակցութեան պետ Սաատ Քաթաթնին եւ Իսլամական Եղբայրակցութեան  փոխ  հոգեւոր առաջնորդ  Ռշատ  Ալ Պիումին, Իլսամական Եղբայրակցութեան հոգեւոր առաջնորդներ   Մուհամմէտ Պատիյը եւ  Վէյրաթ  Շաթէրը:   Բանակի աղբիւր մը հաղորդեց Մորսիի դէմ դատական հայց բարձրացնելու կարելիութիւն մը:

Եգիպտոսի  ելեւմտական հարցերու նախարարութիւնը  հաղորդեց, թէ  երկրին   ելեւմտական իրավիճակը   կը մնայ կայուն:

«Ալ Ահրամ» օրաթերթը կը գրէ, թէ  Մորսի  մերժած է Քաթար կամ Թուրքիա ապաստանելու  առաջարկ  մը:Ներքին գործոց նախարարութիւնը երէկ  ներկայացուց  բախումներուն հաշուեկշիռը՝  32 զոհ,   1200 վիրաւոր:

 

LEAVE A REPLY

Please enter your comment!
Please enter your name here