0
220

ՈՒՇԱՑԱԾ  ՆԵՐՈՂՈՒԹԻՒՆ ՄԸ  ՀԱՅ  ԺՈՂՈՎՈՒՐԴԻՆ՝ ՍԱՖԱՐՈՎԻ ԱՐՏԱՅԱՆՁՆՄԱՆ  ՀԱՄԱՐ

Հունգարիոյ Սահմանադրական դատարանի նախագահ Փեթեր Փացոլային, Երեւանի մէջ լրագրողներուն հետ ունեցած հանդիպումին ընթացքին դիտել տուաւ, որ Հունգարիոյ դատարանի որոշումը՝ ատրպէյճանցի մարդասպան Ռամիլ Սաֆարովի գործով, խիստ չէ եղած: ՀՀ Ազգային ժողովին մէջ կայացող «Իրաւունքի գերակայութեան եւրոպական չափորոշիչները եւ իշխանութիւններու հայեցողութեան սահմանները ԵԽ անդամ երկրներուն մէջ» համաեւրոպական խորհրդաժողովին մասնակցելու նպատակով Հայաստան գտնուող Փացոլային յայտնեց. «Ան գիշերով սպաննած է իր գործընկերը, հետեւաբար, իմ կարծիքով, հունգարական դատարանի որոշումը երբեք խիստ չէր»:
Անոր համաձայն, հարցը այն է, որ վեց կամ եօթը տարուան բանտարկութենէն ետք Հունգարիան Սաֆարովը փոխանցեց Ատրպէյճանին, որպէսզի ան իր բանտարկութիւնը շարունակէ այնտեղ, եւ ոչ թէ որպէսզի ազատ արձակուի եւ հերոս նկատուի։ Ան հաստատեց, որ ասիկա  անակնկալ էր Հունգարիոյ իշխանութիւններուն համար: «Ես Հունգարիոյ  իշխանութիւնները չեմ ներկայացներ, ես տեղեակ չեմ արտայանձնման որոշման նախապատմութենէն», յայտնեց  ՍԴ նախագահը: Ան իր եւ Հունգարիոյ կողմէ ներողութիւն հայցած է հայ ժողովուրդէն՝ «այս գործին հետեւանքով յառաջացած հարցին համար»: Ան նաեւ նշեց, որ տեղեակ չէ Հունգարիոյ եւ Ատրպէյճանի միջեւ գործառքի առկայութեան մասին խօսակցութիւններէն:
Ոճրագործ Սաֆարովի հարցով զրոյց ունեցած են նաեւ Հայաստանի Սահմանադրական դատարանի նախագահ Գագիկ Յարութիւնեանն ու Հունգարիոյ իր պաշտօնակիցը: Սակայն, ինչպէս Յարութիւնեան նշեց լրագրողներուն հետ ունեցած զրոյցին ընթացքին, «Սահմանադրական դատարանի վիճակն այդ երկրում բաւական կոնֆլիկտային է, եւ ՍԴ նախագահն էլ իշխանութիւնների հետ լուրջ խնդիրներ ունի, ճնշումներ կան՝ ընդհուպ ՍԴ լիազօրութիւնները սեղմելու ուղղութեամբ»:

LEAVE A REPLY

Please enter your comment!
Please enter your name here