ԳԱՐՏԻՆԱԼ ՌԱՅԻ ՊԱՏՈՒԻՐԱԿՈՒԹԻՒՆ ՄԸ ՈՒՂԱՐԿԵՑ ՍԱՅՏԱ

0
115

Մարոնիներու Պշարա Ռայի գարտինալը ներկայացնող պատուիրակութիւն մը  այցելեց Սայտա եւ հանդիպումներ ունեցաւ  Պահիա Հարիրիի,  Ֆուատ Սինիորայի եւ  Ուսամա Սաատի հետեւ այլ անձնաւորութիւններու հետ: Սայտայի  քաղաքապետ Մուհամմէտ Սէուտի մերժեց  քաղաքին մէջ բանակէն  բացի  զինեալ որեւէ  ներկայութիւն: Իր կարգին,   երեսփոխան Պահիա Հարիրի յայտնեց, թէ  կառչած կը մնայ  պետականութեան եւ  սահմանադրական  հաստատութիւններուն,  եւ ոչ մէկ  վախ  ունի սիւննի- շիի  համայնքային հակամարտութեան մը  սպառնալիքէն:  Այսուհանդերձ,   Պիլալ Պըն Ռապահ  մզկիթէն  դուրս եկող հաւատացեալները  յարձակում  գործեցին մզկիթէն դուրս  մեկտեղուած   կարգ մը լրագրողներու  վրայ: Քաղաքի տարբեր շրջաններու մէջ դարձեալ բարձրացան  Ահմէտ Ասիրի նկարները: Բանակը անմիջապէս   միջամտեց:

 Միւս կողմէ, ապահովական աղբիւրներ կը հաղորդեն , թէ  լարուած  մթնոլորտ մը կը տիրէ  Պրիթալի, Նեպի Շէյթ եւ  Խըտր  շրջաններուն մէջ:   Օրուան ընթացքին  զինեալ բախումներ տեղի կ’ունենան  Հըզպալլայի եւ  այսպէս կոչուած Սուրիոյ ազատ բանակին  զինեալներուն միջեւ:

LEAVE A REPLY

Please enter your comment!
Please enter your name here