ՄԱՆՍՈՒՐ ՀԱՍՏԱՏԵՑ ՍԱՀՄԱՆԱԴՐԱԿԱՆ ՀՌՉԱԿԱԳԻՐԸ

0
107

Եգիպտոսի ժամանակաւոր նախագահ   Ատլի  Մանսուր  հաստատեց  նոր սահմանադրական հռչակագիրը: 12 կէտերէ բաղկացած  հռչակագիրը,  անվաւեր կը հռչակէ  գործող Վերին Պալատը եւ կ’առաջադրէ  կազմել սահմանդրութեան  ուղղումներու  յանձնաժողով:  Սոյն  յանձնաժողովը երեք ամիսներու   ընթացքին պիտի  մշակէ սահմանադրութիւն մը, որուն հիման վրայ  տեղի պիտի ունենան  խորհրդարանական եւ նախագահական    ընտրութիւններ:

Եգիպտոսի  իսլամիստական ուժերու  միութիւնը երկրին  բոլոր քաղաքներուն մէջ,  Մուհամմէտ Մորսիի  իշխանութենէն հեռացուելու դէմ բողոքի  հաւաքներ կազմակերպելու կոչ մը  ուղղեց:  Մորսիի   կողմնակիցները  չեն ընդունիր  զինք իշխանութենէն  հեռացնելու  որոշումը: Առ ի բողոք Մորսիի արտաքսումին,   ինը իսլամիստ նախարարներ հրաժարեցան կառավարութենէն:

 Եգիպտոսի արտաքին գործոց նախարար Մուհամմէտ Քամալ  Ամրօ, Միացեալ Նահանգներու պետական քարտուղար  Ճոն Քերրիի հետ  հեռախօսային հաղորդակցութիւն մը ունենալով, անոր յայտնեց թէ  յեղաշրջում մը չէր Մուհամմէտ Մորսիի տապալումը, եւ անոր հեռացումը պէտք չէ  վնաս հասցնէ   Ուաշինկթընի հետ ռազմավարական յարաբերութիւններուն: Միւս կողմէ,  ՄԱԿ-ի ընդհանուր քարտուղար Պան Քի Մուն հեռաձայնային հաղորդակցութիւն մը ունեցաւ  Քամալ Ամրոյի հետ,   եւ պահանջեց երկխօսութեան ճանապարհով լուծել  տագնապը:

Սինայի  մէջ  տեղի ունեցող ապահովական զարգացումներունհետեւանքով, եգիպտական իշխանութիւնները ժամանակաւորապէս փակեցին  Կազային միացնող Ռաֆահի անցքը:

Անգարա անհանգստացած է  Եգիպտոսի զարգացումներէն: Արտաքին գործոց նախարար Ահմէտ Տաւուտօղլու  նոր  իշխանութիւններէն պահանջեց ազատ արձակել նախկին նախագահ Մուհամմէտ Մորսին: Մորիթանիա  յայտարարեց, թէ  Մորսիի  մեկնումէն ետք պիտի  վերականգնէ  Եգիպտոի հետ  դիւանագիտական յարաբերութիւնները:

Եգիպտոսի  պետական տպարանը հրաժարեցաւ  լոյս  ընծայել  Իսլամական Եղբայրակցութեան պաշտօնական  օրաթերթը:  Իշխանութիւնները միաժամանակ դադրեցուցին  եղբայրակցութեան պատկանող  «Եգիպտոս – 25»  հեռատեսիլի կայանին սփռումները:  

«Հիւմըն Ռայց  Ուոչ» իրաւապաշտպան կազմակերպութիւնը յայտարարեց, թէ  Թահրիր  հրապարակին  մէջ  անցնող  չորս օրերուն ընթացքին տեղի ունեցած են սեռային բռնութեան 101 դէպքեր: Կանայք  ծեծի ենթարկուած են   մետաղական շղթաներով,  փայտերով,  աթոռներով ու դանակներով: Բռնութեան ենթարկուած կանանց  մեծամասնութիւնը փոխադրուած է հիւանդանոց:

LEAVE A REPLY

Please enter your comment!
Please enter your name here