ՊԸՐՐԻ ԽՈՐՀՐԴԱՐԱՆԱԿԱՆ ՅԱՆՁՆԱԽՈՒՄԲԵՐԸ ՆԻՍՏԻ ՀՐԱՒԻՐԵՑ 22 ՅՈՒԼԻՍԻՆ

0
110

Խորհրդարանի նախագահ Նեպիհ Պըրրի  խորհրդարանական  յանձնախումբերը նիստի մը հրաւիրեց  22 Յուլիսին: Խորհրդարանի լիագումար  նիստին օրինականութեան հարցը նոր  բանավէճերու  դուռ  բացած է  քաղաքական  բեմին վրայ:  Կարգ մը հոսանքներու համար   Պըրրիի   որոշումը   օրինական է, ուրիշներու պարագային՝ ոչ:  Խորհրդարանի նախագահ Նեպիհ Պըրրի  յայտարարեց, թէ իր  քայլը օրինական է, իսկ  օրակարգերը  պիտի  մնան  անփոփոխ, որովհետեւ  դիւանը որոշած է զանոնք: Գալով  Աշրաֆ Ռիֆիի պաշտօնավարութիւնը երկարաձգելու առաջարկին, Պըրրի  յայտնեց, թէ խորհրդարանը պիտի տայ այդ առաջարկին պատասխանը եւ ոչ՝ ինք:

 Երեսփոխան  Ճամալ Ճարահ   հաւաստեց, թէ Մուսթաքպալ Հոսանքը պիտի  առաջարկէ    համատեղ  քուէարկութեամբ երկարաձգել զօրավար  Ժան Քահուաճիի եւ  Աշրաֆ Ռիֆիի պաշտօնավարութեան  ժամկէտները: Երեսփոխան Ահմէտ Ֆաթֆաթի կարծիքով,  միայն նոր  կառավարութեան մը կազմութիւնը կրնայ լուծել  խորհրդարանի լիագումար նիստին  շուրջ  ծագած տագնապը: Բարգաւաճում եւ Ազատագրութիւն խորհրդարանական խմբաւորումի անդամ Միշէլ Մուսա դիտել տուաւ, որ լիագումար նիստը  օրինական է, իսկ Աշրաֆ Ռիֆիի հարցը  լուրջ կերպով  չէ   ներկայացուած   տակաւին:

LEAVE A REPLY

Please enter your comment!
Please enter your name here