ՍԸԼԷՅՄԱՆ ՄԱՂԹԵՑ ՈՐ ԵԳԻՊՏՈՍ ԹԵՒԱԿՈԽԷ ԻՍԿԱԿԱՆ ԺՈՂՈՎՐԴԱՎԱՐՈՒԹԵԱՆ ՀԱՆԳՐՈՒԱՆԸ

0
115

Հանրապետութեան նախագահ  Միշէլ Սըլէյման մաղթեց, որ  իսկական  ժողովրդավարութեան հանգրուան մը  կը  թեւակոխէ  Եգիպտոս: Միշէլ Սըլէյման շնորհաւորական հեռագիր մը  յղեց Եգիպտոսի  ժամանակաւոր նախագահ  Ատլի Մանսուրին: Սըլէյման,  Պաապտայի պալատին մէջ ընդունեց Ֆրանսայի նախկին վարչապետ Ֆրանսուա Ֆիյոնը եւ   քննարկեց երկկողմ յարաբերութիւնները  զարգացնելու կարելիութիւնները:  Սըլէյման,   ընդհանուր անվտանգութեան ընդհանուր տնօրէն, հազարապետ  Ապպաս Իպրահիմէն իրազեկ դարձաւ Ազէզի մէջ առեւանգուած  լիբանանցիները ազատ արձակելու  վերջին զարգացումներուն: Նախագահը նաեւ ընդունեց այլ այցելուներ:

Պաապտայի  պալատին մօտիկ աղբիւրներ  կը հաղորդեն, թէ Սըլէյման կը  փորձէ  մերձեցում մը ստեղծել   Նեպիհ Պըրրիի եւ  Նեժիպ Միքաթիի  միջեւ, լուծելու՝  խորհրդարանի  լիագումար նիստին առիթով անոնց միջեւ  ծագած  տարակարծութիւնը:  Նախագահին  ճիգերը առ այսօր կը մնան ապարդիւն:

LEAVE A REPLY

Please enter your comment!
Please enter your name here