ԲԱԽՈՒՄՆԵՐ ԵԳԻՊՏՈՍԻ ԳԼԽԱՒՈՐ ՔԱՂԱՔՆԵՐՈՒՆ ՄԷՋ – ԿՈՂՄԵՐԸ ԿԸ ՄՆԱՆ ԱՆԴՐԴՈՒԵԼԻ

0
120

Եգիպտոսի  բոլոր  քաղաքաներուն դէմ  վտանգաւոր  բախումներ  տեղի կ’ունենան    նոր իշխանութեան եւ  նախկին նախագահ  Մոհամմէտ Մորսիի  կողմնակիցներուն միջեւ:  Ապահովական  ուժեր  զգուշութեամբ կը մօտենան  ճակատումներուն, որովհետեւ մինչեւ այս պահը, բանակը կը փորձէ   չէզոք դիրք պահպանել  հակամարտութեան կողմերուն  միջեւ:  Բանակը   փակած կը պահէ  պաշտպանութեան նախարարութիւն տանող ճանապարհները:  Նշենք,թէ նախկին նախագահ Մոհամմէտ Մորսի   կալանքի տակ   կը մնայ  պաշտպանութեան նախարարութեան շէնքին մէջ: Իսլամական Եղբայրակցութեան հոգեւոր առաջնորդ  Մուհամմէտ  Պատիյ    սպառնաց   չհեռանալ  հրապարակներէն, մինչեւ Մորսիի  վերադարձը նախագահութեան պաշտօնին:  Ան  խոստացաւ    խաղաղ  միջոցներով շարունակել  իշխանութեան պայքարը: Ապահովական աղբիւրներ կը հաւաստեն, թէ  բանակը   չի կրնար  յարատեւ  ձեռնածալ մնալ  եւ որեւէ մէկ պահուն  կրնայ  միջամտել,  վերջ դնելու՝ Գահիրէի մէջ տեղի ունեցող   ընդհարումները: Ազգային  Փրկութեան Ճակատի  անդամ  Մուհամմէտ Ալ Պարատէյի յայտարարեց, թէ  յառաջիկայ քանի մը ամիսներուն ընթացքին տեղի պիտի ունենան  խորհրդարանական  ընտրութիւններ:

Ռիատ  յայտարարեց, թէ  եգիպտական բանակը  ի շահ  երկրի գերագոյն շահերուն  կ’առնէ իր  քայլերը:

Իսլամական Եղբայրակցութիւնը երէկ հրապարակեց   լուր մը, իբրեւ թէ  ժամանակաւոր  նախագահը  Ատլի  Մանսուրը  հրեայ է:  Ապահովական անորոշութենէն  մեկնելով, Գահիրէի մօտ Միացեալ Նահանգներու  դեսպանատան ծառայող  51  պաշտօնակատարներ հեռացան Եգիպտոսէն:

 

 

LEAVE A REPLY

Please enter your comment!
Please enter your name here