ԼԻԲԱՆԱՆԵԱՆ ԿԱՐՃ ԼՈՒՐԵՐ

0
101

  – Հանրապետութեան  միւֆթի շէյխ Մուհամմէտ Ռաշիտ Քապպանի բացառեց  ներքին խռովութեան կարելիութիւնները, այնքան  ժամանակ որ   ղեկավարները կը գործեն  իմաստութեամբ: Քապպանի  մաղթեց, որ   քաղաքական եւ կրօնական անձնաւորութիւններ  աւելի զգօնութիւն  կը   ցուցաբերեն Ռամատանի   շրջանին:

–  Զինուորական ատեանի դատախազ  Ֆատի  Սաուան, Ապրայի  միջադէպին հետ առնչուած    հինգ անձեր հարցաքննելէ ետք,  ձերբակալութեան հրամանագիր հրապարակեց սպայի մը եւ  չորս  բանակայիններու դէմ՝  զինուորական հրահանգները խախտելու, իրենց  իրաւասութիւնները  չարաշահելու եւ անգիտակցաբար  զոհերու պատճառ դառնալու համար:

-Ամերիկեան արհեստական արբանեակներ  յայտնաբերած են, որ  Լիբանանի մօտ  Միացեալ Նահանգներու դեսպան Մոյրա Գոնէլի ահաբեկչական  գործողութեան  մը  թիրախը  կրնայ  դառնալ  Ճեպհէթ Ալ Նուսրայի  կողմէ:   Ուաշինկթըն,  դեսպանին  թելադրած է  նուազեցնել իր շրջագայութիւնները:

– Մարոնիներու Պշարա Ռայի գարտինալը իր Կիրակի օրուան  պատգամին մէջ յայտնեց, թէ  քրիստոնեաներու   ներկայութիւնը Լիբանանի եւ  Միջին Արեւելքի մէջ  չի սահմանափակուիր  ընկերային,  տնտեսական եւ  քաղաքական  գործօններով, անոնց գոյութիւնը պայմանաւորուած է  յանուն  մասնակցութեան եւ  վկայութեան, ինչպէս  սահմանած է Պենետիքթոս 16-րդ Պապը իր  առաքելական ուղեցոյցին մէջ:

– Մարտ  14-ի ուժերը ընդլայնուած նիստ մը գումարեցին  Մեժտէլիունի մէջ: Խորհրդաժողովէն   բխած հաղորդագրութեան  մէջ Մարտ  14-ի ուժերը միասնականութեան կոչ ուղղեցին   լիբանանցիներուն , ինչպէս նաեւ շեշտեցին  թէ չպէտք է   զէնքով  հակադարձել զէնքին:

 – Խորհրդարանական  ելեւմտական եւ  պիտճէի յանձնախումբը , երեսփոխան  Իպրահիմ Քանաանի գլխաւորութեամբ՝ այսօր, վաղը եւ Հինգշաբթի, երեք  յաջորդական  օրերու ընթացքին պիտի  քննարկէ աշխատավարձերու յաւելման  թղթածրարը:

– Զինուորական ատեանի առաջին դատախազ  Ռիատ  Ապու Ղիտա  հարցաքննեց   Ապրայի  միջադէպին հետ առնչուած  27 կասկածելիներ:

LEAVE A REPLY

Please enter your comment!
Please enter your name here