ՀԱԿԱՄԱՐՏՈՒԹԵԱՆ ՃԱԿԱՏՆԵՐԸ Կ’ԸՆԴԼԱՅՆԻՆ ԵԳԻՊՏՈՍԻ ՄԷՋ

0
142

 Եգիպտոսի հակամարտութիւնը  սկսաւ տարածուիլ  երկրին բոլոր  քաղաքներուն մէջ:   Իսլամիստները   հրաժարելու  կոչ   կ’ուղղեն  երկրի ժամանակաւոր  նախագահ  Ատլի  Մանսուրին:  Իսլամիստ «Նուր» կուսակցութիւնը  հրաժարեցաւ կառավարութիւն   կազմելու բանակցութիւններէն, առ ի բողոք՝  բանակին կողմէ Մորսիի կողմնակիցներուն  սպանութեան: Վերջին   48  ժամերուն  ընթացքին  բախումները սաստկացան  Մորսիի կողմնակիցներուն եւ բանակին միջեւ: Մորսիի  կողմնակից  զինեալներ փորձեցին խուժել Գահիրէի  նախագահական պալատը: Բախումներուն ընթացքին սպաննուեցաւ սպայ մը  եւ  վիրաւորուեցան  40   բանակայիններ:Ժամանակաւոր   նախագահ  Ատլի Մանսուր  պահանջեց յանձնախումբ մը կազմել եւ  բացայայտել  նախագահական պալատին վրայ կատարուած  յարձակումին պայմանները:   Շէյխ  Ազհար  Ահմէտ  Ալթայիպ  դատապարտեց  նախագահական պալատին առջեւ տեղի ունեցած  բախումները:  Ան պահանջեց հետաքննութիւն մը բանալ եւ  բացայայտել  միջադէպին յանցագործները:    « Հըզպ Ալ Տուսթուր»  կուսակցութեան պետ  Մուհամմէտ Ալ Պարատէյ  դատապարտեց   ամէն տեսակի վայրագութիւնները եւ երկխօսութեան  կոչ ուղղեց   քաղաքական կողմերուն: Երկրի տարբեր շրջաններու մէջ  ինկող զոհերուն թիւը անցաւ   երկու հարիւրը: Վիրաւորները՝   երեք հազար    եօթ հարիւր:  Իսլամական Եղբայրակցութեան խօսնակ  Ահմտ  Արէֆ   մերժեց  բանակցութիւններ վարել բանակին  հետ, մինչեւ  Մորսիի վերադարձը նախագահութեան պաշտօնին:  Մորսիի  կողմնակիցները  բանակայիններ կ’առեւանգեն  արեւելեան  Գահիրէի  մէջ:  Իշխանութիւնները   փակեցին  Իսլամական Եղբայրակցութեան Գահիրէի   կեդրոնատեղին՝  զէնք եւ  զինամթերք գտնուելու  պատճառով:

Մորսիի  կողմնակիցները  ցոյցեր կատարեցին նաեւ  Կարմիր Ծովու ափը գտնուող  քաղաքներու Շարմ Էլ Շէյխի եւ Հուրքատա   քաղաքներուն մէջ: Իշխանութիւնները   յաջողեցան կասեցնել ներքին գործոց նախարարութեան շէնքը  պայթեցնելու գործողութիւն մը:

Բրիտանական « Տէյլի Թելեկրաֆ» օրաթերթը կը գրէ, թէ  Եգիպտոսի  իսլամիստները  պիտի շարունակեն պայքարը, մինչեւ Մորսիի վերադարձը նախագահութեան:

Ռուսիոյ  Խորհրդարանի (Տիւմա) միջազգային հարցերու յանձնախումբի նախագահ   Ալեքսի  Պոշքոֆ  յայտնեց, թէ արաբական արիւնալի գարունը  ցունամիի մը նման հարուածեց Եգիպտոսը:

Եգիպտական իշխանութիւնները յաջորդաբար   հինգերորդ  օրը  ըլլալով փակ կը պահեն  Ռաֆահի անցքը:

LEAVE A REPLY

Please enter your comment!
Please enter your name here