ՊԸՐՐԻ՝ ՏԱԳՆԱՊԻՆ ՊԱՏՃԱՌԸ ՔԱՂԱՔԱԿԱՆ Է

0
116

Խորհրդարանի նախագահ Նեպիհ Պըրրի  ակնարկելով  լիագումար նիստին շուրջ  դրսեւորուած  կեցուածքներուն, յայտնեց, թէ   տագնապին   բուն պատճառը քննարկութեան դրուած օրակարգերն են, եւ ոչ՝  սահմանադրութեան յօդուածները:  Լիբանանեան  օրաթերթեր կը գրեն, թէ  լիագումար նիստին  շուրջ համաձայնութիւն  գոյացնելու նախագահ  Միշէլ Սըլէյմանի   ճիգերը հասած են փակուղիի առջեւ: Պըրրի դիտել տուաւ, թէ  խորհրդարանի   նիստերուն  ընդդիմացողները չորս ամիս առաջ նոյնպէս   խանգարած են   խորհրդարանի նիստերը: Ան  ընդգծեց, թէ  խորհրդարանի նիստերուն դէմ  կեցող հոսանքները  ներքնապէս  կը փորձեն արգիլել բանակի ընդհանուր հրամանատար  զօրավար Ժան Քահուաճիի պաշտօնավարութեան երկարաձգումը:

Հրաժարեալ վարչապետ  Նեժիպ Միքաթի  դիտել տուաւ, որ   ծովային նաւթին արտահանումը կը մնայ  առաջնայնութիւն եւ պիտի արգիլէ  շահագործել Լիբանանի  ծովային հարստութիւնները:

LEAVE A REPLY

Please enter your comment!
Please enter your name here