ՍԱԼԱՄ՝ ՀԱՄԲԵՐՈՒԹԻՒՆԸ ԵՒՍ ՈՒՆԻ ՍԱՀՄԱՆ – ՈՉ ՄԷԿ ՅԱՌԱՋԸՆԹԱՑ ԿԱԶՄՈՒԹԵԱՆ ՎԵՐԱԲԵՐԵԱԼ

0
113

Նորանշանակ վարչապետ  Թամամ Սալամ  երէկ առաւօտեան  այցելեց Պաապտայի պալատ եւ   հանդիպում մը ունեցաւ հանրապետութեան  նախագահ Միշէլ Սըլէյմանի հետ:  Սալամ եւ Սըլէյման  քննարկեցին նոր կառավարութեան կազմութեան զարգացումները: Հանդիպումէն ետք, Սալամ  կարճ զրոյց մը ունեցաւ   լրագրողներուն հետ եւ  յայտնեց, թէ  կ’աշխատի ամենակարճ միջոցին  ամբողջացնել  գոյացած կառավարական բացը: Սալամ  նշեց, թէ  խորհրդակցութիւնները որեւէ արդիւնքի չեն հասած տակաւին:  Ան դիտել տուաւ, թէ մէկէ աւելի պատճառներ  կը խանգարեն կազմութեան ախատանքները:  Սալամ   ըսաւ, թէ համբերութիւնը  եւս  ունի սահման: Սալամ  նշեց, թէ ցարդ  ոչ մէկ անուն ստացած է Մարտ  8-ի ուժերէն: Սալամ արժեւորեց կառավարութեան կազմութեան   առնչութեամբ Ուալիտ Ճոմպլաթի  առանցքային դերակատարութիւնը:  Ան հերքեց   իր հրաժարականին մասին  շրջող տեղեկութիւնները: Սալամ յայտնեց, թէ հակառակ  ցցուող դժուարութիւններուն վճռած է  շարունակել  կազմութեան աշխատանքները:  Սալամ գնահատեց  Սէուտական Արաբիոյ դերակատարութիւնը   ընդգծելով, որ Ռիատ  հաւասար հեռաւորութիւն կը պահպանէ քաղաքական բոլոր  կողմերէն: Սալամ  յայտնեց, թէ   ցանկութիւն չունի  աւելի երկար  սպասելու կառավարութիւն կազմելու խորհրդակցութիւններուն եւ մտադրած է  ազգային  որոշումներու դիմել յառաջիկայ  քանի մը  օրերուն:

 Երեսփոխան  Պութրոս Հարպ  անընդունելի նկատեց  խորհրդարանական ներկայացուցչութեան  հիմքերու վրայ կառավարութիւն կազմելու պահանջները:

LEAVE A REPLY

Please enter your comment!
Please enter your name here