ՍՈՒՐԻՈՅ ԸՆԴԴԻՄՈՒԹԻՒՆԸ ԶԷՆՔ ԿԸ ՍՊԱՍԷ ՇՐՋԱՊԱՏԷՆ

0
100

 Սուրիոյ  ընդդիմադիր  ուժերու  նորընտիր ղեկավար  Ահմէտ  Ճապրա  հաստատեց, թէ  ընդդիմութիւնը պիտի բացակայի Ժընեւի  խորհրդաժողովէն:  Ճապրա՝ արեւմուտքէն  ռազմական օգնութեամբ պայմանաւորեց  Ժընեւի խորհրդաժողովին մասնակցութիւնը:  Ան նաեւ   յայտնեց, թէ   զինուորական նոր   օգնութիւն  կը սպասէ Սէուտական Արաբիայէն: Ռազմական գետնի վրայ, բանակը  Հալէպի  մէջ  ոնչնչացուց   ընդդիմութեան պատկանող կարեւոր յենակէտ մը, ուրտեղէն ծայրայեղականները  թիրախի վերածած  էին  Սուլէյմանիյէի շրջանը: Հալէպի տարբեր արուարձաններու մէջ   բախումներ տեղի կ’ունենան բանակին եւ   ծայրայեղականներու  միջեւ:

Բրիտանիոյ  նախկին վարչապետ  Թոնի Պլէր  առաջարկեց  օդային  շրջափակումի ենթարկել Սուրիան եւ արգիլեալ գօտիներ ստեղծել:

Բանակը  Պանիասի մէջ  յայտնաբերեց  ծայրայեղականներուն  պատկանող  զէնք եւ քիմիական նիւթ: Ուշագրաւ զարգացումի մը  մէջ, Եգիպտոսի դատախազութիւնը Սուրիոյ ընդդիմութեան աւելի քան  երկու հարիւր  վարձկաններու  դէմ  ձերբակալութեան հրաման արձակեց:  «Ալ Մասր Ալ Եոում» օրաթերթը կը գրէ, թէ  Սուրիոյ ընդդիմադիրները   կարգ մը   առիթներով զէնք  կիրառած են խաղաղ  ցուցարարներուն վրայ:  Հետաքննութիւնները կը պարզեն, թէ անոնք  Գահիրէի մէջ սպաննած են ութը քաղաքացիներ:

LEAVE A REPLY

Please enter your comment!
Please enter your name here