ՔԵՆՏԻՔԵԱՆ ՎԵՐԱՏԻՐԱՑԱՒ ԱՇԽԱՐՀԻ ԱԽՈՅԵԱՆԻ ՏԻՏՂՈՍԻՆ

0
205

 Գերմանիան  ներկայացնող  երեւանցի  բռնցքամարտիկ   Սիւզի   Քենտիքեան,  դարձաւ WBA վարկածով, կանանց արհեստավարժ   բռնցքամարտի թեթեւագոյն  ծանրութեան աշխարհի ախոյեան:  Քենտիքեան  պարտութեան մատնեց  աշխարհի ախոյեան  Գարինա  Մորենօն:  Տորթմունտի մէջ   տեղի ունեցող հետաքրքրական այս ճակատումին տասը  ռաունտերը  աւարտելէ ետք, մրցումին երեք իրաւարարներըմիաձայնութեամբ  Քենտիքեանին տուին առաւելութիւնը:  Նշենք, թէ   Քենտիքեան, անցնող  Դեկտեմբերին միեւնոյն   ռինկին  մէջ  պարտութիւն մը կրած էր  31-ամեայ  Մորենոյէն՝ անոր  զիջելով աշխարհի ախոյեանութեան տիտղոսը:

ԷՆՏԻ ՄԸՐԷՅ  ԵՒ ՄԱՐԻՈՆ   ՊԱՐԹՈԼԻ  ՈՒԻՄՊԸԼՏԸՆԻ  ՏԻՏՂՈՍԱԿԻՐՆԵՐ

 Բրիտանացի Էնտի Մըրէյ շահեցաւ   Ուիմպըլտընի թենիսի  տղոց միջազգային  մրցաշարքը: Աւարտական  մրցումին,  26-ամեայ Մըրէյ, 6-4, 7-5, 6-4 արդիւնքով պարտութեան մատնեց Նովաք Տիոքովիչը:  Մրցումը  տեւեց   երեք  ժամ եւ   ինը վայրկեան: Սոյն  յաղթանակը Մըրէյի  28-րդն էր,   անոր ասպարէզին ընթացքին: Կ’արժէ նշել, որ Մըրէյ դարձաւ  վերջին 77 տարիներուն ընթացքին Ուիմպըլտընի տիտղոսակիր   առաջին  բրիտանացին:

Ուիմպըլտընի  աղջկանց մրցաշարքը  շահեցաւ  ֆրանսացի    Մարիոն  Պարթոլին: Աւարտական մրցումին, Պարթոլի   6-1, 6-4   արդիւնքով պարտութեան մատնեց  Սապինա  Լիսիցքին: «Չեմ հաւատար, որ այս բոլորը  տեղի կ’ունենան» ըսաւ ֆրանսացի  Մարիոն Պարթոլի՝ թենիսի  Ուիմպըլտընի միջազգային  մրցաշարքին աղջկանց   տիտղոսին  տիրանալէ ետք:

 Միւս կողմէ, Նովաք    Տիոքովիչ    կը շարունակէ  գլխաւորել  թենիսի համաշխարհային  ընդհանուր դասաւորումը:  Էնտի Մըրէյ կը գրաւէ երկրորդ դիրքը:  Երրորդ դիրքի վրայ կու գայ  սպանացի Տէյվիտ Ֆերէրը:

 

ՏՈՐԹՄՈՒՆՏ ԼՈՒՐՋ   ՆԱԽԱՊԱՏՐԱՍՏՈՒԹԻՒՆՆԵՐ  ԿԸ ԿԱՏԱՐԷ  ՆՈՐ  ԵՂԱՆԱԿԻ ՆԱԽՕՐԷԻՆ

Գերմանական Պորուսիա Տորթմունտ ակումբը լուրջ նախապատրաստութւիններ կը կատարէ  յառաջիկայ  մարզական տարեշրջանի նախօրէին:  Մարզիչ  Եուրկէն  Գլոփը  արդէն իսկ  երեք  որակեալ ֆութպոլիստներով՝   Փիէռ  Էմերիք  Օպամէյանք,  Սոքրաթիս  Փափասթաթոփուլոս  եւ Հենրիխ Մխիթարեան, համալրած է խումբը:

Հայաստանի հաւաքականի  եւ Տոնեցքի Շախտիորի  կիսապաշտպան  Հենրիխ Մխիթարեան երէկ պաշտօնապէս  ստորագրեց  Տորթմունտի  տոմարներէն:  Գերմանական ակումբի մարզիչը Եուրկէն   Գլոփ  քանի  մը անգամ  հեռաձայնային  զրոյց ունեցած է Հենրիխ  Մխիթարեանին հետ:  Մխիթարեան կը  տիրապետէ  հինգ լեզուներու:  Գլոփ  յայտնած է, թէ   գերմաներէնը պիտի դառնայ  Հենրիխի   վեցերորդ  լեզուն:  Այս  առիթով  Գլոփ  նշեց, թէ  յարձակող  Ռոպերթ   Լեվանտովսքի    յառաջիկայ  տարեշրջանին պիտի   միանայ Պայերն Միւնիխին:

  Միւս  կողմէ, Գերմանիոյ  ֆութպոլի ախոյեանութեան  տիտղոսը ութ անգամ   շահած  Տորթմունտ ակումբի տնօրէնութիւնը  ներկայացուց  2013-14  տարեշրջանի  նոր մարզաշապիկը՝  Պորուսիայի աւանդական  սեւ եւ դեղին գոյներով:

ՎԵԹԷԼ ՇԱՀԵՑԱՒ  ԳԵՐՄԱՆԻՈՅ ԿՐԱՆ ՓՐԻՆ

Սեպասթիան Վեթէլ  շահեցաւ  Ֆորմիւլա 1  ինքնաշարժներու  Գերմանիոյ կրան փրին:  Վեթէլի  «Ռէտ Պուլ» ինքնաշարժը  պարտութեան մատնեց  Լոթիւս  ընկերութեան վարորդներ   Քիմի Ռաքոնէնը եւ  Ռոմէն  Կրոժանը: Սպանացի Ֆեռնանտօ Ալոնզօ գրաւեց   չորրորդ  դիրքը:

 

ՔԵՆՏԻՔԵԱՆ   ՎԵՐԱՏԻՐԱՑԱՒ ԱՇԽԱՐՀԻ ԱԽՈՅԵԱՆԻ ՏԻՏՂՈՍԻՆ

 Գերմանիան  ներկայացնող  երեւանցի  բռնցքամարտիկ   Սիւզի   Քենտիքեան,  դարձաւ WBA վարկածով, կանանց արհեստավարժ   բռնցքամարտի թեթեւագոյն  ծանրութեան աշխարհի ախոյեան:  Քենտիքեան  պարտութեան մատնեց  աշխարհի ախոյեան  Գարինա  Մորենօն:  Տորթմունտի մէջ   տեղի ունեցող հետաքրքրական այս ճակատումին տասը  ռաունտերը  աւարտելէ ետք, մրցումին երեք իրաւարարներըմիաձայնութեամբ  Քենտիքեանին տուին առաւելութիւնը:  Նշենք, թէ   Քենտիքեան, անցնող  Դեկտեմբերին միեւնոյն   ռինկին  մէջ  պարտութիւն մը կրած էր  31-ամեայ  Մորենոյէն՝ անոր  զիջելով աշխարհի ախոյեանութեան տիտղոսը:

ՄԵՍԻ ՊԻՏԻ  ՆԵՐԿԱՅԱՆԱՅ ԱՏԵԱՆ

Գաթալոնական  Պարչելոնա ակումբի արժանթինցի  ֆութպոլիստ  Լիոնէլ Մեսիի փաստաբանները յայտնեցին, թէ Մեսի պիտի  ներկայանայ ատեանի՝  տնտեսական յանցագործութիւններու   բաժինը:  Կողմերը կը փորձէին  համաձայնութիւն մը գոյացնել  Մեսիին դէմ ներկայացուած  մեղադրանքին հարցով:  Մեսի եւ անոր  հայրը՝ Խորխէ Մեսի կը մեղադրուին չորս միլիոն   եուրօ  տուրք չվճարելու յանցանքով:  Մեսի պատրաստակամութիւն յայտնեց  5.9  միլիոն եուրօ գումար մը վճարելու՝  յաւելեալ խնդիրներէ  խուսափելու  նպատակով:  Այսուհանդերձ՝  արժանթինցի  ֆութպոլիստը  17 Սեպտեմբերին պիտի  ներկայանայ դատարան:

ՄՈՆԱՔՕ  ՁԵՌՔ ԲԵՐԱՒ ՏՈՒԼԱԼԱՆ

 Ֆրանսայի ազգային խումբի եւ  Մալակայի  կիսապաշտպան   Ժերեմի Տուլալա  միացաւ Մոնաքոյի: 29-ամեայ  ֆութպոլիստը  երեք տարուան պայմանագրութիւն մը կնքեց  ֆրանսական ակումբին հետ:  Փոխանցման սակը կը  գնահատուի  15  միլիոն եուրօ: Տուլալա, 2011-ին  Լիոնէն միացած էր   Մալակայի:

 

 ՖԵՐՆԱՆՏԻՆԻՕ  ՀՐԱԺԵՇՏ  ՏՈՒԱՒ  ՇԱԽՏԻՈՐԻՆ

Շախտիոր Տոնեցքի յարձակող Ֆերնանտինիօ,  նախքան Մանչեսթըր Սիթիի  միանալը  պաշտօնական արարողութեամբ մը  հրաժեշտ տուաւ   ուքրանական խումբին համակիրներուն:  Տոնեցքի  Տոնպաս Արենա   մարզադաշտին  մէջ, հազարաւոր համակիրներու ներկայութեան, Շախտիորի մարզիչ՝  Միրչա  Լուչեսքու  Ֆերնանտինիոյին յանձնեց  թիւ  284  համարը կրող  շապիկ  մը:  Պրազիլիացի  ֆութպոլիստը   284  մրցում կատարած է Շախտիորի շապիկով: Ֆերնանտինիօ ութ տարի առաջ  միացած էր  Շախտիորին: Վերջերս, ան  Մանչեսթըր Սիթիին միացաւ փոխան  25  միլիոն եուրօ գումարի մը:

ՊԱՐՉԵԼՈՆԱ 32 ՄԻԼԻՈՆ Կ’ԱՌԱՋԱՐԿԷ  ՄԱՐՔԻՆԻՈՍԻՆ

 Պարչելոնա  ակումբը 32  միլիոն եուրօ գումար  մը կ’առաջարկէ   Ռոմա խումբի պրազիլիացի  պաշտպան  Մարքինիոսը ունենալու նպատակով:  Պարչելոնա, նախապէս   25  միլիոն առաջարկած էր  19-ամեայ  ֆութպոլիստին համար:  Մարքինիոս  ընդհանրապէս  26 մրցում կատարած է  Ռոմայի շապիկով: Սպանական ակումբին ներկայացուցիչները  տակաւին կը  բանակցին  Ռոմայի հետ:

 ՖՐՈՒՄ ԿԸ   ԳԼԽԱՒՈՐԷ  ՖՐԱՆՍԱՅԻ   ՀԵԾԵԼԱՐՇԱՒԸ

Բրիտանացի  Քրիստոֆըր   Ֆրում (  Թիմ Սքայ) կը գլխաւորէ  Ֆրանսայի հեծելարշաւը:     Աւստրալիան ներկայացնող  Ռիչի   Պորտ կը գտնուի  երկրորդ դիրքի  վրայ:  Տասերորդ հանգրուանի մրցումներէն ետք,  Ֆրում՝ 51 երկվայրկեանի առաւելութիւն մը կը վայելէ  Պորտի  նկատմամբ:

ՓՕԼ  ԿԱՍՔՈՅՆ ՁԵՐԲԱԿԱԼՈՒԱԾ

 Անգլիական  ֆութպոլի  նախկին աստղերէն  Փօլ Կասքոյն  ձերբակալուեցաւ:   Գայթակղային համբաւ  ունեցող  ֆութպոլիստը  երկաթուղային կայարանին մէջ, ալքոհոլի ազդեցութեան տակ,  յարձակում գործեց իր նախկին  կնոջ  վրայ, պատճառելով մարմնական  վնասուածք:   Ոստիկանութիւնը   Կասքոյնը   12  ժամ  մեկուսարանի մը մէջ պահելէ ետք,  գրաւի  դիմաց՝ ազատ արձակեց:

 ՊԱՅԵՐՆ  ՊԱՏԺԵՑ   ԿԷՈՑԷՆ,  ԿՈՄԷՍԸ  ԵՒ  ՔԻՐՔՈՖԸ

Պայերն Միւնիխի  երեք մարզիկներ՝  Մարիօ Կոմէս,   Մարիօ  Կէոցէ եւ   Իան Քիրքոֆ  նիւթական պատիժի ենթարկուեցան՝ ակումբի պաշտօնական միջոցառումներուն  ընթացքին  Nike-ի շապիկ  հագնելու  համար:   Պայերնի  ֆուպոլիստները  միջոցառումներու ընթացքին պարտաւորուած են հագնիլ Adidas:  Երեք ֆութպոլիստները ընդունեցին իրենց սխալը:  Պատիժի  գումարը պիտի փոխանցուի Գերմանիոյ մէջ պատահած  ջրհեղեղէն տուժած ընտանիքներուն:

ԹԵՒԷԶ՝  ԹԻՒ  10-Ը  ՇԱՊԻԿԸ ՉԻ ՃՆՇԵՐ

Նորերս   իտալական   Եուվենթուս ակումբին միացող  Գարլոս Թեվէզ յայտարարեց, թէ  թիւ  10-ը շապիկը  կրելը   հոգեբանական որեւէ  ճնշում  չի դառնար  իր անձնին վրայ:  Եուվենթուս ակումբի  թիւ   10-ը համարի մարզաշապիկը կրած  են  իտալական ֆութպոլի պաշտամունքային ֆութպոլիստներ՝ Ռոպերթօ   Պաճիօն, Ալեսանտրօ Տէլ    Փիէռօն:

ՊԱՐՉԵԼՈՆԱ ԱՇԽԱՐՀԻ ԱՄԵՆԱՀԱՐՈՒՍՏ ԱԿՈՒՄԲԸ

Սպանական Պարչելոնա ակումբը կը շարունակէ գրաւել աշխարհի ամենահարուստ ակումբներու  ցուցակը:  Ասօրուան դրութեամբ, ակումբը կը գնահատուի  627.5 միլիոն եուրօ:  Այսինքն, իւրաքանչիւր մարզիկի միջին սակը կ’արժէ  23.233 միլիոն եուրօ:  Երկրորդ ամենահարուստ ակումբը  Ռէալ Մատրիտն  է՝  585  միլիոն եուրօ:  Երրորդ դիրքի վրայ կու գայ  Պայերն Միւնիխը՝  509.15 միլիոն:

Աշխարհի ամենահարուստ ակումբներու ցանկին մէջ ներգրաւուած  են  սպանական տասը ակումբներ, անգլիական՝  19, իտալական՝ 15, գերմանական՝ 13, ֆրանսական՝ 12 ակումբներ:

ՊՈԼԹ ԱՐՁԱՆԱԳՐԵՑ  ՏԱՐՈՒԱՆ  ԼԱՒԱԳՈՅՆ  ՑՈՒՑԱՆԻՇԸ

Ճամայիքացի վազորդ   Ուզէյն Պոլթ   աշխարհի լաւագոյն   ցուցանիշը արձանագրեց   « Տայմընտ Լիկ»ի  200 մեթր մրցավազքերու ընթացքին: Ան՝   19.73  երկվայրկեանի ընթացքին  հատեց  200 մեթրը:  Նշենք, թէ  10-18 Օգոստոսին, Մոսկուայի մէջ կայանալիք  աշխարհի առաջնութեան մրցումներուն, Պոլթ մտադրած է  մասնակցիլ  100 եւ 200 մեթր մրցավազքերուն:

ՔՈՒԵՆԹՐԱՕ ԿԸ ՓԱՓԱՔԻ ԼՔԵԼ   ՌԷԱԼԸ

Ռէալ  Մատրիտի փորթուգալացի պաշտպան  Ֆապիօ  Քուենթրաօ  կը փափաքի   լքել սպանական ակումբը:  Երիտասարդ պաշտպանը 2011-ին, Պենֆիքայէն միացաւ  Ռէալին: Սակայն նոր մարզիչ Գառլօ Անճելոթի անհրաժեշտութիւնը չի զգար    Քուենթրաոյի  ծառայութիւններուն: Իսկ  21-ամեայ պաշպանը  կը մերժէ մնալ պահեստայիններու մէջ:

 

 

 

 

 

 

LEAVE A REPLY

Please enter your comment!
Please enter your name here