ԿԱՌԱՎԱՐՈՒԹԵԱՆ ԿԱԶՄՈՒԹԻՒՆԸ ԿԸ ՄՆԱՅ ՍԿԶԲՆԱԿԷՏԻՆ ՎՐԱՅ

0
109

Հանրապետութեան  նախագահին մօտիկ աղբիւրներ կը հաւաստեն, թէ Սըլէյման կը պահանջէ կարճ  ժամանակամիջոցի մէջ, քաղաքական  բոլոր  կողմերու  մասնակցութեամբ կառավարութեան մը կազմութիւնը:  Նոր կառավարութիւն կազմելու  խորհրդակցութիւնները  թեւակոխած են  չորրորդ ամիսը:  Այս ծիրին մէջ,  նորանշանակ վարչապետ Թամամ Սալամ  շփումներու նոր   հանգրուանի մը պիտի   ձեռնարկէ  քաղաքական  հոսանքներու հետ:  Մօտաւորապէս տասը  օրերու վրայ երկրող հանդիպումներէն ետք, Սալամ  անուններով  կազմ մը պիտի ներկայացնէ  հանրապետութեան նախագահին:  Սալամի ընտրանքները սկսած են նուազիլ: Անոր առջեւ կը գտնուի  երեք  ընտրանք. առաջինը՝կազմել  14 անդամներէ բաղկացած  կառավարութիւն մը: Երկրորդ՝  յստակօրէն  բացայայտել  կազմութեան աշխատանքները խանգարող կողմերը: Երրորդ՝ հրաժարիլ:  Կառավարութիւն  կազմելու   ճիգերը տակաւին կը մնան սկզբնակէտին վրայ:  Մարտ  14-ի ուժերը կը մերժեն Հըզպալլայի մասնակցութիւնը, իսկ Մարտ 8-ի  ուժերը կը պահանջեն արգելակող մէկ երրորդի  լիազօրութիւն: Միւս կողմէ,   Փոփոխութիւն եւ Բարեկարգում խորհրդարանական խմբաւորումի պետ Միշէլ Աուն կը պահանջէ  խորհրդարանական կշիռի համեմատութեամբ ներկայացուցչութիւն մը նոր կառավարութեան մէջ:

Հրաժարեալ վարչապետ Նեժիպ Միքաթի  մտադրած է  նիստի հրաւիրել  հրաժարեալ կռավարութիւնը:  Այս ուղղութեամբ, Միքաթի  խորհդակցութիւն մը  պիտի ունենայ  հանրապետութեան նախագահ Միշէլ Սըլէյմանին հետ:

LEAVE A REPLY

Please enter your comment!
Please enter your name here