ՀԱԼԷՊԸ ՇՐՋԱՓԱԿՈՒԱԾ ԵՒ ՍՆՈՒՆԴԻ ՏԱԳՆԱՊԻ ՄԷՋ

0
121

Հալէպը քանի մը օրէ ի վեր շրջափակման մէջ է, այս պատճառով ալ սննդամթերքի, վառելանիւթի բացակայութիւնը սկսած է տիրական դառնալու, իսկ կացութենէն օգտուողները շատ բարձր գիներ կը պահանջեն։
Հալէպի աղբիւրները յայտնած են, որ քաղաքի որոշ մուտքեր փակուած են ռազմական գործողութիւններու հետեւանքով, իսկ որոշ մուտքեր՝ ապստամբ զինեալներուն կողմէ, որոնք նպատակ ունին սովի մատնելով՝ ոտքի հանել Հալէպի բնակչութիւնը:
Սննդամթերքի խիստ պակաս կայ, քանի որ բեռնատար ինքնաշարժները չեն կրնար քաղաք մտցնել բանջարեղէն, ալիւր, մսեղէն եւ մանկական սնունդ: Իսկ քաղաքին մէջ գտնուող մթերքը կա՛մ փճացած է, կամ չափազանց սուղ գիներով կը վաճառուի:
Անգամ մը եւս Հալէպի մէջ հաց ապահովելու դժուարութիւն կայ: Փուռերու առջեւ կարգ բռնած է ժողովուրդը, իսկ հացին գինը չափազանց սուղ է,  բնակչութեան համար օրուան հացը գտնելը մեծապէս դժուարացած է:

LEAVE A REPLY

Please enter your comment!
Please enter your name here