ՄԱՆՍՈՒՐ ԿԸ ԽՈՍՏԱՆԱՅ 2014-ԻՆ ԿԱԶՄԱԿԵՐՊԵԼ ԵԳԻՊՏՈՍԻ ՆԱԽԱԳԱՀԱԿԱՆ ԸՆՏՐՈՒԹԻՒՆՆԵՐԸ

0
114

Եգիպտոսի  ժամանակաւոր նախագահ  Ատլի  Մանսուր յայտարարեց, թէ   նախագահական եւ խորհրդարանական ընտրութիւնները տեղի պիտի ունենան  2014-ին: Ըստ  Մանսուրի, նախ պիտի  կայանան  Սահմանադրական  փոփոխութիւնները, ապա՝  խորհրդարանական ընտրութիւնները: Դիւանագիտական գետնի վրայ, Ուաշինկթըն հերքեց  նախկին նախագահ Մոհամմէտ Մորսին ազատ արձակելու  խնդրանք մը ներկայացնելու  մասին տեղեկութիւնները: «Սքայ Նիուզ»ի արաբական ծառայութիւնը հաղորդեց, որ Գահիրէի այլ շրջաններու մէջ եւս եգիպտական բանակին ու Իսլամական  եղբայրակցութեան  միջեւ բուռն բախումներ տեղի ունեցան երէկ: Իսլամական  եղբայրակցութեան  քաղաքական թեւի՝ Ազատութիւն եւ Արդարութիւն կուսակցութեան Գահիրէի գլխաւոր կեդրոնատեղին կարմիր մոմով կնքուեցաւ, հոն զէնքերու յայտնաբերումէն ետք:
Եգիպտոսի սալաֆական «Նուր» կուսակցութիւնը այս ընդհարումներէն ետք յայտարարեց, թէ Եգիպտոսի արժամեայ նախագահ Ատլի Մանսուրի հետ «գործակցութիւնը դադրեցուցինք»: Մինչ այդ, Փենթակոնը յայտարարեց, որ Միացեալ Նահանգներու պաշտպանութեան նախարար Չաք Հէյկըլ Ուրբաթ եւ Շաբաթ օր երեք անգամ հեռաձայնային հաղորդակցութիւն ունեցած է իր եգիպտացի պաշտօնակիցին հետ: Սպիտակ տունը իր կարգին յայտարարեց, որ Միացեալ Նահանգներու նախագահ Պարաք Օպամա կը դատապարտէ Եգիպտոսի մէջ բռնարարքներու շարունակումը եւ կողմնակից չէ որեւէ կուսակցութեան կամ խմբակի:
 Այլ զարգացումի մը  մէջ, երկու  զինեալներ   կրակ բացին Աղեքսանտրիոյ  ղպտիներու  Մար  Մինա եկեղեցւոյ վրայ եւ հեռացած:

 

LEAVE A REPLY

Please enter your comment!
Please enter your name here