ՕՂԱՍԱՊԵԱՆ՝ ԱԶԳԱՅԻՆ ՇԱՀԵՐԸ ԿԸ ՊԱՀԱՆՋԵՆ ԵՐԿԱՐԱՁԳԵԼ ՔԱՀՈՒԱՃԻԻ ԵՒ ՌԻՖԻԻ ՊԱՇՏՕՆԱՎԱՐՈՒԹԻՒՆՆԵՐԸ

0
96

 Երեսփոխան  Ժան  Օղասապեան   յայտնեց, թէ Լիբանանի ազգային շահերը կը պահանջեն առնուազն երկու կամ տարիով երկարաձգել բանակի ընդհանուր հրամանատար, զօրավար Ժան Քահուաճիի եւ  հազարապետներ  Աշրաֆ Ռիֆիի, Ուալիտ   Սալմանի  պաշտօնավարութեան ժամկէտները:   Օղասապեան նաեւ առաջարկեց  երկարաձգել հանգստեան  կոչուելու  տարիքը:  Ան աւելցուց, թէ  վերոյիշեալ  պահանջները  չգործադրուելու պարագային խորհրդարանի  լիագումար նիստը պիտի  ունենայ նախորդին  ճակատագիրը:

Կ’արժէ նշել, որ խորհրդարանական կարգ մը խմբաւորումներ կը պատրաստեն  զօրավար Ժան Քահուաճիի պաշտօնավարութեան  ժամկէտը  երկարաձգելու յուշագիր մը:

ԼԻԲԱՆԱՆԵԱՆ  ԿԱՐՃ   ԼՈՒՐԵՐ

– Զբօսաշրջութեան հրաժարեալ նախարար Ֆատի Ապուտ յայտնեց, թէ Արաբական Ծոցի  պետութիւններուն մօտ ատելութին չկայ լիբանանցիներուն հանդէպ: Նախարարը  դիտել տուաւ, որ   Լիբանանի  ապահովական վիճակը այնքան ալ  աղէտային չէ, ինչպէս կը փորձեն ներկայացնել ոմանք:

– Երեսփոխան   Խըտր  Հապիպ յայտնեց, թէ Պահիա  Հարիրի կը խօսի   համայն  Լիբանանի եւ ոչ՝  համայնք մը անունով:  Ան ընդգծեց, թէ  Ուալիտ Ճոմպլաթ կ’աշխատի պահպանել  իր համայնքը եւ  լեռնալիբանանը: Ան նշեց,թէ  լիբանանեան  բանակը կը մնայ առաջին եւ վերջին երաշխիքը:

–  Երեսփոխան Իսամ Արաժի  ըսաւ, թէ  Արսէլի  շրջանը  «Սուրիոյ Յեղափոխութեան» հանդէպ  ցուցաբերած  զօրակցութեան պատճառով,  վերածուած է  տարբեր կողմերէ պաշարուած  գօտիի մը: 

– Զինուորական ատեանի դատախազ Ֆատի Սաուան 37 ամբաստանեալներու դէմ, որոնց մէջ՝ Արսէլի  քաղաքապետ  Ալի Հըժէյրին, մահապատիժ պահանջեց՝ Արսէլի մէջ   գնդապետ Փիէռ  Պաշաալանիի եւ  երկու  անոր ընկերակցողներուն  սպանութեան պատճառով:

LEAVE A REPLY

Please enter your comment!
Please enter your name here