ԴԱՏԱՊԱՐՏՈՒՄԻ ԼԱՅՆ ԱԼԻՔ՝ ՊԻՐ ԷԼ ԱՊԸՏԻ ՊԱՅԹՈՒՄԻՆ

0
137

Մինչ ապահովական   մարմիններ կը շարունակեն  Պիր Էլ Ապըտի  պայթումին հետաքննութիւնները,   քաղաքական դէտեր կը   վերլուծեն  երկրին առօրեային վրայ անոր   ունենալիք հակազդեցութիւնները:  Ապահովական   մարմիններ  նշեցին, թէ  հետաքննութիւնները յայտնաբերած են  յանցագործներուն թէլերը: Կառավարութեան մօտ զինուորական ատեանի դատախազ  Սաքր Սաքր  լսեց  պայթումին  շուրջ  ականատեսներու վկայութիւնները: Հըզպալլայի աղբիւրներ  յայտնեցին, թէ   պայթումի գործողութիւնը  ծայրայեղական կազմակերպութեան մը  նախաձեռնութիւնն էր:

  ՄԱԿ-ի Ապահովութեան Խորհուրդը դատապարտեց պայթումը եւ միասնականութեան կոչ ուղղեց  լիբանանցիներուն: Ապահովութեան Խորհուրդը  ընդգծեց, թէ ահաբեկչութիւնը՝ խաղաղութեան  դէմ ուղղուած մեծագոյն  սպառնալիքն է: ՄԱԿ-ը նաեւ  Պաապտայի Յայտարարութեան յանձնառու մնալու հրաւիրեց լիբանանցիները:   Ռուսիոյ փոխարտաքին գործոց նախարար  Միխայիլ Պոկտանով Մոսկուայի  մտահոգութիւնը արտայայտեց  հարաւային արուարձաններու  մէջ  պատահած  պայթումին: Արաբական  Լիկայի  ընդհանուր քարտուղար Նեպիլ Արապի դատապարտեց Պիր  Էլ Ապըտի  պայթումը, դիտել տալով որ պայթումը  կը փոխանցէր խռովութեան յստակ պատգամներ:

Ապահովական   գետնի վրայ մնալով,  լրատուական   զանազան աղբիւրներ կը  հաղորդեն, թէ  Ճեպհէթ Ալ Նուսրայի զինեալներ,  ապօրէն ճանապարհներով   Սուրիայէն  Պեքաա սկսած են  խուժել:

LEAVE A REPLY

Please enter your comment!
Please enter your name here