ՊԸՐՐԻ՝ ԼԻԲԱՆԱՆ ՆԱԽԱՆՁԱԽՆԴԻՐ ԿԸ ՄՆԱՅ ԻՐ ԾՈՎԱՅԻՆ ՀԱՐՍՏՈՒԹԻՒՆՆԵՐՈՒՆ

0
129

Խորհրդարանի նախագահ  Նեպիհ Պըրրի, Պիր  Էլ  Ապըտի պայթումը  դատապարտող  հեռաձայններ ստացաւ   հրաժարեալ վարչապետ  Նեժիպ Միքաթիէն,   նորանշանակ վարչապետ  Թամամ Սալամէն,   նախկին վարչապետ  Սաատ Հարիրիէն,  Պելճիքայի խորհրդարանի նախագահ Անտրէ  Ֆլահոյէն: Պըրրի միաժամանակ շնորհաւորանքներ ստացաւ  Ռամատանի ամսուան առիթով:

 Պըրրի, Այն Թինէ այցելող  երեսփոխաններուն հետ  քննարկեց ներլիբանանեան  բեմին զարգացումները:  Ան   յայտնեց, թէ Լիբանան  նախանձախնդիր կը մնայ ծովային իր հարստութիւններուն  եւ անհրաժեշտութեան պարագային, պատրաստ է գումարելու կառավարական նիստ: Ան  անդրադարձաւ  Պիր Էլ Ապըտի պայթումին , դիտել տալով, որ    հարաւային արուարձաններու մէջ պատահած պայթումը կառավարութիւնը անմիջապէս կազմելու  հրամայականին տակ կը դնէ   վարչապետ Թամամ Սալամը:  Պըրրի  յայտնեց, թէ  Ամալ  եւ Հըզպալլա միայն  շիի ներկայացուցչութեան համար կը բանակցին Սալամի հետ , լքելով որ  Միշէլ Աուն  անջատաբար  շարունակէ  իր բանակցութիւնները: Պըրրի  նշեց, թէ  Միշէլ Աւոնի  հետ    ներլիբանանեան  հարցերու  շուրջ  տարակարծութիւններու առկայութիւնը    ճեղքեր ստեղծած  է  Մարտ  8-ի ուժերուն միջեւ: Ան  ըսաւ, թէ յետ այսու   իւրաքանչիւրը  ազատ  է  իր  ընտրանքներուն մէջ:  Այս առիթով ան ըսաւ,թէ  Ամալ եւ Հըզպալլա    հրաժարած են արգելակող մէկ երրորդի նախապայմանէն:  

Հըզպալլայի  մօտիկ աղբիւրներ կը յայտնեն, թէ կառավարութեան կազմին մէջ Հըզպալլայի մասնակցութեան դէմ  Սէուտական  Արաբիոյ  դրած  վեթօն կը խանգարէ  կառավարութեան կազմութիւնը, որուն   պատճառով Թամամ Սալամ  կրնայ ներկայացնել իր հրաժարականը:

LEAVE A REPLY

Please enter your comment!
Please enter your name here