ՌՈՒՍԻԱ Կ’ԱՊԱՑՈՒՑԷ ԹԷ ԾԱՅՐԱՅԵՂԱԿԱՆՆԵՐԸ ՕԳՏԱԳՈՐԾԱԾ ԵՆ ՔԻՄԻԱԿԱՆ ԶԷՆՔ

0
105

 ՄԱԿ-ի   մօտ Ռուսիոյ   դեսպան  Վիթալի  Չորքին յայտարարեց, թէ  փորձագէտներու վերլուծութիւնները  կ’եզրակացնեն,  թէ ծայրայեղականները  պայթեցուցած են  Սուրիոյ   Հալէպ  քաղաքի  Խան Էլ  Ասալ արուարձանին մէջ  թունաւոր  նիւթերով  հագեցած արկը: Չորքին  եզրակացուց, թէ ծայրայեղականներն  են  քիմիական զէնք օգտագործողները Սուրիոյ  մէջ: Չորքին իր տեղեկագիրէն օրինակներ  յանձնեց  ՄԱԿ-ի ընդհանուր  քարտուղարին եւ  Ապահովութեան Խորհուրդի   մնայուն անդամ պետութիւններու ներկայացոցիչներուն:

ՄԱԿ-ի  ընդհանուր քարտուղար Պան Քի Մուն  իր խօսքը  Սուրիոյ   իշխանութիւններուն եւ  ծայրայեղականներուն  ուղղելով  մաղթեց, որ Ռամատանի  շրջանին դադրի  արիւնահոսութիւնը:  

Միացեալ Նահանգներու  Ծերակոյտի եւ  Ներկայացուցիչներու պալատի  հետախուզութեան  հարցերու խորհուրդը  դէմ քուէարկեց  սուրիացի  ապստամբներուն ռազմական օգնութիւն  տրամադրելու  առաջարկին: Խորհուրդի անդամները դիտել տուին, թէ զէնքը պիտի յայտնուի ծայրայեղական կազմակերպութիւններուն ձեռքը: Այսպիսով, նախագահ  Պարաք Օպամա պիտի չկարենայ իրականացնել  ընդիմութիւնը զէնքով մատակարարելու 14  Յունիսին կատարած խոստումը:

LEAVE A REPLY

Please enter your comment!
Please enter your name here