ՍԸԼԷՅՄԱՆ՝ ՅԱՆՁՆԱՌՈՒ ՄՆԱԼ ՊԱԱՊՏԱՅԻ ՅԱՅՏԱՐԱՐՈՒԹԵԱՆ ԵՒ ՉՄԻՋԱՄՏԵԼ ՍՈՒՐԻՈՅ ՏԱԳՆԱՊԻՆ

0
124

Հանրապետութեան նախագահ Միշէլ Սըլէյման, Պաապտայի պալատին մէջ իր այցելուներուն առջեւ՝  Պաապտայի Յայտարարութեան յանձնառու մնալու եւ Սուրիոյ տագնապին չմիջամտելու  կոչ ուղղեց քաղաքական   բոլոր կողմերուն:  Սըլէյման  շեշտեց իսկական  գործընկերութեան անհրաժեշտութիւնը  լիբանանցիներու միջեւ,որպէսզի  Լիբանանը չդառնայ  այլոց  ժողովրդավարացման  զոհը:  Հանրապետութեան  նախագահը ընտրական նոր օրինագիծ մը պահանջեց խորհրդարանէն՝ անոր հիման  վրայ կայացնելու խորհրդարանական  յառաջիկայ ընտրութիւնները: Սըլէյման հեռախօսային  զրոյց մը ունեցաւ խորհրդարանի նախագահ Նեպիհ Պըրրիի հետ եւ դատապարտեց Պիր Էլ Ապըտի պայթումը:

 Նախագահ Սըլէյման  շնորհաւորեց  հանրապետութեան միւֆթի,շէյխ Մուհամմէտ Ռաշիտ Քապպանին, Ռամատանի ամսուան առիթով:

Հրաժարեալ վարչապետ  Նեժիպ Միքաթի  ընդունեց  ներքին գործոց նախարարի գործակատար Մարուան Շերպէլը: Նորանշանակ  վարչապետ Թամամ Սալամ ընդունեց Մարոնիական Համախմբումի   պատուիրակութիւն մը,  Սամիր Ապի Լամայի ընկերակցութեամբ, ինչպէս նաեւ Իսլամական Կրօնքի Ուսուցման  Միութիւնը ներկայացնող պատուիրակութիւն մը, Մուհամմէտ  Սամահայի  ընկերակցութեամբ եւ այլ անձնաւորութիւններ:

 

LEAVE A REPLY

Please enter your comment!
Please enter your name here