ՆԱԽԱԳԱՀ ՍԸԼԷՅՄԱՆԻ ՀԱՄԱՐ ԱՄԵՆԱԿԱՐԵՒՈՐԸ ԿԱՌԱՎԱՐՈՒԹԵԱՆ ԿԱԶՄՈՒԹԻՒՆՆ Է

0
104

Հանրապետութեան նախագահ Միշէլ Սըլէյման Պաապտայի պալատին մէջ ընդունեց հրաժարեալ հանրօգուտ  շինութեանց նախարար  Ղազի Արիտին եւ անոր հետ քննարկեց լիբանանեան բեմի վերջին զարգացումները:   Սըլէյման նաեւ ընդունեց հրաժարեալ արտաքին գործոց նախարար Ատնան Մանսուրը, Վատիկանի մօտ Լիբանանի դեսպան  Ճորճ Խուրին եւ այլ անձնաւորութիւններ:  Սըլէյմանի համար  ներկայ  հանգրուանի ամենահրատապ հարցը նոր կառավարութեան կազմութիւնն է:  Այս ծիրին մէջ Սըլէյման դրական մօտեցում կը ցուցաբերէ  խորհրդարանի նախագահ Նեպիհ Պըրրիի  նախաձեռնութեան:Պաապտայի շրջանակներ  յայտնեցին, թէ յառաջիկայ Երեքշաբթի օրուան «նախագահական Իֆթար»ին առիթով, հանրապետութեան նախագահ Միշէլ Սըլէյման  յստակ   դիրքորոշումներ պիտի արձակէ  քաղաքական եւ ապահովական զարգացումներուն վերաբերեալ : Սըլէյման իր խօսքը պիտի աւարտէ  երկխօսութեան  կոչ ուղղելով քաղաքական կողմերուն:

 

LEAVE A REPLY

Please enter your comment!
Please enter your name here