ՌԷԱԼ ՄԱՏՐԻՏ ԿԱՐԷԹ ՊԷՅԼԻ ԱՆՈՒՆԸ ԿՐՈՂ ՇԱՊԻԿՆԵՐ ԿԸ ՀՐԱՊԱՐԱԿԷ

0
133

Սպանական  ֆութպոլի հսկաներէն Ռէալ Մատրիտ ակումբը  ամէն գնով կը փորձէ իր կազմին մէջ ունենալ  Թոթենհամի  եւ Ուէյլզի  հաւաքականի միջնապահ Կարէթ Պէյլը: Անգլիական ակումբը  130 միլիոն սթերլին գումար մը  կը պահանջէ 24-ամեայ  մարզիկին համար:  Ռէալ Մատրիտ արդէն իսկ,  թիւ 11  համարի տակ, Պէյլի անունը կրող շապիկներ  վաճառքի հանած է,  հրապարակի վրայ:  Անգլիական ակումբին տնօրէնը  Տանիէլ Լեւի կը յայտարարէ, թէ Պէյլ պիտի  չլքէ լոնտոնեան ակումբը: Ռէալ Մատրիտ կը խորհի, թէ  ի վերջոյ համաձայնութիւն մը ձեռք պիտի կարենայ  բերել Պէյլի փոխանցումին համար:

ՏԸ  ՌՈՍԻ ՊԻՏԻ  ՄԻԱՅՆԱՅ  ՉԵԼՍԻԻ

Ռոմայի եւ  Իտալիոյ ազգային խումբի  միջնապահ Տանիէլ Տը Ռոսի պիտի  միանայ Չելսիի:  29-ամեայ  կիսապաշտպանին  փոխանցման սակը կը գնահատուի  11  միլիոն սթերլին:  Լոնտոնեան կազմը վերոյիշեալ գումարին  կողքին, մէկ տարուան ժամկէտով  փոխառութեան պիտի տայ  պրազիլիացի   յետսապահ  Ուալասը:  Չելսիի մարզիչ  Ժոզէ Մուրինիօ՝  Ինթէր Միլանը  եւ  Ռէալ Մատրիտը  ստանձնած շրջանին փորձած է   իր կազմերուն մէջ ունենալ Տը Ռոսին: Այս անգամ, ան  կ’ակնկալէ, որ  բանակցութիւնները արդիւնաւորուին եւ իտալացի  կիսապաշտպանը   միանայ Չելսիի:  Տը Ռոսի, շաբթական  110 հազար սթերլին գումարի, չորս տարուան պայմանագրութիւն մը պիտի  կնքէ  լոնտոնեան ակումբին հետ:

ՃՈՎԵԹԻՉ ՊԻՏԻ  ԿՐԷ ՍԻԹԻԻ ՇԱՊԻԿԸ

Ֆիորենթինայի եւ  Մոնթենեկրոյի  ազգային խումբի  յարձակող  Սթեֆան  Ճիովեթիչ հաւանութիւն տուաւ կրելու Մանչեսթըր Սիթիի  շապիկը: 23-ամեայ   յարձակողը  չորս տարուան  պայմանագրութիւն  մը պիտի կնքէ անգլիական ակումբին հետ:  Փոխանցման սակը կը գնահատուի  28  միլիոն սթերլին:  Նշենք, թէ Արսենալ եւ Մանչեսթըր Եունայթյըտ նոյնպէս կը փափաքէին իրենց կազմին մէջ ունենալ տաղանդաւոր յարձակողը:

LEAVE A REPLY

Please enter your comment!
Please enter your name here