ԼԻԲԱՆԱՆԵԱՆ ԿԱՐՃ ԼՈՒՐԵՐ

0
110

-Ներքին գործոց նախարարի  գործակատար  Մարուան Շերպէլ յայտնեց, թէ ապահովական կառոյցներ  ստիպողական  խիստ  քայլերու  կը դիմեն տիրող իրավիճակին հետեւանքով:

-Ընկերվար  Յառաջդիմական Կուսակցութեան պետ Ուալիտ Ճոմպլաթ իր  կուսակիցներուն կը զգուշացնէ   նոր 7 Մայիսի մը կրկնութենէն:  Ճոմպլաթ կը  շեշտէ  բանակին եւ ապահովական ուժերուն հետ  գործակցելու անհրաժեշտութիւնը:

-Ապահովական մարմիններ կը շարունակեն  Պիր Էլ Ապտի  պայթումին շուրջ հետաքննութիւնները:  Ապահովական աղբիւր  մը յայտնեց, թէ պայթումը ծրագրուած է առաւելագոյն չափով զոհեր խլելու մտադրութեամբ:

-Կառավարութեան  մօտ  զինուորական ատեանի դատախազ Սաքր Սաքր ազատ արձակեց  Ապրայի  միջադէպին հետեւանքով  ձերբակալուած երեք կասկածելիներ:

– Քուէյթեան «ԱլՔապաս»  օրաթերթը կը գրէ, թէ  Լիբանանի մօտ  ծառայող Արաբական Ծոցի պետութիւններուն դեսպանատուները ապահովական խիստ   հսկողութեան  տակ առնուած են  վերջին ժամերուն:

-Սայտայի մէջ ահաբեկիչ  շէյխ Ահմէտ Ասիրի  կողմնակիցները  դարձեալ յայտնուեցան  Ապրայի  փողոցներուն մէջ եւ  փորձեցին  փակել կարգ մը  ճանապարհներ: Բանակը  կանխեց  օրինազանցութեան բոլոր փորձերը:

– Իսրայէլացի  վեց զինուորներ անցնելով Կապոյտ  սահմանագիծը մուտք գործեցին Ուզանիի  ուղղութեամբ  եւ հետախուզական երկարատեւ  ստուգումներ կատարելէ ետք հեռացան: :

-Պէյրութի շրջանի երեսփոխաններ Մուհամմէտ Քապպանի,  Նատիմ Ճեմայէլ,  Ամար Հուրի, Ժան Օղասապեան,  Պասէմ Շապ,  Ղազի Եուսէֆ եւ Աթէֆ Մաճտալանի  գումարեցին նիստ մը  եւ քննարկեցին   մայրաքաղաքի կենցաղային եւ բարգաւաճման վերաբերեալ հարցեր՝ Նիստի աւարտին Պէյրութի երեսփոխաննեը պահանջեցին շուտափոյթ կազմել  նոր կառավարութիւնը եւ   դիւրացնել կառավարութիւն կազմելու  Թամամ Սալամի   աշխատանքները:

LEAVE A REPLY

Please enter your comment!
Please enter your name here