ՄԱՆՉԵՍԹԸՐ ՍԻԹԻ ՊԻՏԻ ՊԱՅՔԱՐԻ ՌՈՆԱԼՏՈՅԻ ՀԱՄԱՐ

0
129

 Մանչեսթըր Սիթի ակումբը կը  փափաքի  ձեռք բերել  Ռէալ Մատրիտի  փորթուգալացի  յարձակող Քրիսթիանօ Ռոնալտօն:  Անգլիական ակումբիը պատրաստ է  շաբթական  300 հազար  սթերլին գումար  աշխատավարձ  վճարելու  28-ամեայ  ֆութպոլիստին:  Նշենք, թէ  Մանչեսթըր Եունայթըտ եւ Չելսի նոյնպէս կը հետապնդեն  Ռոնալտօն:  Ռէալ Մատրիտ կը  մերժէ Ռոնալտոյի վաճառքին համար ներկայացուող առաջարկները:  

ՌՈՒՆԻ ՊԻՏԻ ԲԱՑԱԿԱՅԻ  ՄԷԿ ԱՄԻՍ

Անգլիոյ  հաւաքականի եւ  Մանչեսթըր Եունայթըտի  յարձակող  Ուէյն Ռունի վնասուածքի պատճառով  առնուազն պիտի  բացակայի դաշտերէն:  Ռունի  նաեւ պիտի բացակայի Մանչեսթըր Եունայթըտի Պանքոք կատարելիք շրջագայութենէն:  Բրիտանական մամուլին համաձայն, Ռունի մտադրած է  լքել «Կարմիր Սատանաներ»ը:  Եունայթըտի մարզիչ Տէյվիտ Մոյզ անցնող օրերուն ընթացքին    չորս հանդիպում ունեցաւ 27-ամեայ ֆութպոլիստին հետ, որմէ ետք  յայտարարեց, թէ Ռունի պիտի շարունակէ կրել Եունայթըտի շապիկը:

ՕԶՊՈՆԱ  ՄԻԱՑԱՒ ԵՈՒՎԷԻ

Իտալիոյ ախոյեան Եուվենթուս ակումբը յաջողեցաւ իր կազմին  մէջ ունենալ   Թորինոյի  եւ ազգային խումբի  յետսապահ  Անճելօ  Օզպոնան:  25-ամեայ  ֆութպոլիստը   չորս տարուան պայմանագրութիւն մը կնքեց   Եուվէի հետ:  Օզպոնայի  փոխանցման սակը կը գնահատուի  13  միլիոն եուրօ:  Միւս կողմէ,  Եուվենթուս  մերժեց կիսապաշտպան՝ Արթուրօ  Վիտալը  Ռէալ Մատրիտ  փոխանցուելու սպանական  ակումբին առաջարկը:  Արքայական ակումբը պատրաստ է  40  միլիոն եուրօ  վճարելու  Վիտալի  փոխանցումին համար:

ԱԼՔԱՆԹԱՐԱ ՊԻՏԻ  ՏԵՂԱՓՈԽՈՒԻ  ՊԱՅԵՐՆ

Եւրոպայի ախոյեան Պայերն Միւնիխ ակումբը կը պատրաստուի   18  միլիոն եուրօ գումար  մը վճարելու  Պարչելոնային,   երիտասարդ  կիսապաշտպան  Թիակօ Ալքանթարայի   փոխանցումին  համար:  Գերմանական ակումբին փոխնախագահ    Գառլ  Հայնց  Ռումենիկէ  հանդիպում մը  ունեցաւ Պարչելոնայի  նախագահ  Սանտրօ  Ռոսէլի հետ եւ  քննարկեց  փոխանցումին մանրամասնութիւնները:  Ալքանթարայի   ծառայութիւններով  հետաքրքրուած էր  Մանչեսթըր Եունայթըտը:

LEAVE A REPLY

Please enter your comment!
Please enter your name here