ՄՈՐՍԻԻ ԿՈՂՄՆԱԿԻՑՆԵՐԸ ՀԱՍՏԱՏ ԿԸ ՄՆԱՆ ԻՐԵՆՑ ՊԱՀԱՆՋՆԵՐՈՒՆ ՎՐԱՅ

0
120

Իսլամական Եղբայրակցութեան   նախաձեռնութեամբ Գահիրէի  գլխաւոր հրապարակներուն մէջ   բողոքի հաւաքներ  տեղի ունեցան  երէկ:  Ցուցարարները պահանջեցին  Մորսիի վերադարձը նախագահութեան:  Միեւնոյն պահուն, իշխանամէտ  հոսանքները  կազմակերպեցին զօրակցական  հաւաքներ:

Վարչապետ  Հազէմ Պիպլաուի մաղթեց, որ մինչեւ շաբաթավերջ կազմուի նոր կառավարութիւնը:Պիպլաուի փոխվարչապետ նշանակեց  Զիատ Պահա Էլտինը: Ան  յայտարարեց, թէ Եգիպտոս վերագտած է  արաբականութեան դիմագիծը:  Ան  նշեց, թէ  արգելք մը  չի տեսներ  նոր կառավարութեան կազմին մէջ Իսլամական Եղբայրակցութեան կարգ մը ներկայացուցիչներու մասնակցութեան:   Գերմանիա  պահանջեց ազատարձակել Մորսին:

Ամերիկեան երկու ռազմանաւ ուղեւորուեցան   Եգիպտոսի ափերը:  Ամերիկեան բանակի ծովային հետեւակի  շտապի  հրամանատար զօրավար  Ճէյմս Ամոսի տուեալներով՝ Կարմիր Ծովու շրջան  ուղարկուած են  Սան Անթոնիօ եւ  Քիրսարջ ռազմանաւերը: Նշենք, թէ Ուաշինկթըն պաշտօնապէս յայտարարեց, թէ  Եգիպտոսի դէպքերը չի դիտեր իբրեւ յեղաշրջում:

Ռուսիոյ փոխարտաքին  գործոց նախարար Միխայիլ Պոկտանով  պատրաստակամութիւն յայտնեց   տնտեսական օգնութիւններ  տրամադրելու  Եգիպտոսին, եթէ  վերջինս  ներկայացնէ նման առաջարկ:

LEAVE A REPLY

Please enter your comment!
Please enter your name here