ՇՈԳԵԿԱՌՔԻ ԾԱՆՐ ԱՐԿԱԾ ՖՐԱՆՍԱՅԻ ՄԷՋ

0
106

Առնուազն եօթ անձեր մահացան, երբ  Ֆրանսայի մայրաքաղաք  Փարիզի հարաւը գտնուող  Պրեթինի Սիւր Օրկ շրջանին մէջ շոգեկառք մը դուրս  եկաւ իր հունէն եւ հարուածեց կայարանին սպասման վայրը:  Ապահովական  ուժեր եւ շտապ օգնութեան  ծառայողներ անմիջապէս  հասան  արկածին վայրը՝   օգնութեան  ձեռք մեկնելու սարսափահար  ճամբորդներուն, որոնցմէ շատեր՝  շոգեկառքին  դռները փակ ըլլալու պատճառաւ  կը սպասէին արտաքին միջամտութեան:

Ներքին գործոց նախարար Մանուէլ Վալս յայտարարեց, թէ արկածին հետեւանքով մահացած են  ութ  քաղաքացիներ:Վիրաւորներուն  թիւը  անցած է երեսունը:  Պրեթինիի  կառավարիչը յայտնեց, թէ հունէն դուրս եկած  չորս վակոններ, անմիջապէս շրջուելով բախած են իրարու: Ան աւելցուց, թէ շտապ օգնութեան ծառայողներ  շուտափոյթ  հասած են   արկածին վայրը:  Կարգ մը լրատուական աղբիւրներ հաղորդեցին, թէ  զոհերուն թիւը կրնայ աւելնայ, որովհետեւ    բազմաթիւ  ճամբորդներ տեղւոյն  վրայ դարձած են   ելեկտրահար: Ֆրանսայի  երկաթուղագիծերու ընդհանուր տնօրէն Ժան  Փօլ  Պուլէ ըսաւ, թէ  շոգեկառքը կը փոխադրէր  350 ուղեւոր:

LEAVE A REPLY

Please enter your comment!
Please enter your name here