ԹՈՒՐՔ ԼՐԱԳՐՈՂՆԵՐԸ ՀԱՒԱՔ ԿԸ ԿԱԶՄԱԿԵՐՊԵՆ ԹԱՔՍԻՄ ՀՐԱՊԱՐԱԿԻՆ ՄԷՋ

0
107

Թուրքիոյ հակակառավարական ցոյցերու ընթացքին ոստիկանութեան գործողութիւններէն տուժած  թուրք լրագրողները բողոքի երթ մը կազմակերպեցին Իսթանպուլի Թաքսիմ հրապարակին  մէջ:  Ցոյցը տեղի ունեցաւ երէկ երեկոյեան ժամը   7-ին:  Լրագրողները տարածեցին հաղորդագրութիւն մը՝ «Ձգեցէք, կատարենք մեր աշխատանքը»  խորագիրի տակ.« Մենք լրագրողներս, կը բողոքենք  Կեզիի դիմադրութեան  ընթացքին մեր դէմ  կիրառուած ուժի, բռնութեան, ճնշումներուն, սպառնալիքներուն, ձերբակալութիւններու եւ  բանտարկութիւններու, աշխատանքէն հեռացնելու  դէմ»:

Թաքսիմ հրապարակին մէջ, ոստիկանութեան եւ ցուցարարներուն միջեւ բախումներուն ընթացքին զոհուեցաւ  վեց  անձ: Վիրաւորներուն թիւը անցաւ  7500-ը, իսկ  ձերբակալութիւնները՝  5000:  Թուրքիոյ   ներքին գործոց նախարարութեան տուեալներով՝  մինչեւ օրս  Թուրքիոյ  79  շրջաններուն մէջ  տեղի ունեցող  հակակառավարական  ցոյցերուն  մասնակցած է  2.5  միլիոն անձ:

LEAVE A REPLY

Please enter your comment!
Please enter your name here