ԱՆԱՆ՝ ԸՆԴԴԻՄՈՒԹԻՒՆԸ ՔԱՂԱՔԱԿԱՆԱՊԷՍ ԵՒ ՌԱԶՄԱՊԷՍ ՄԱՍՆԱՏՈՒԱԾ Է

0
117

Սուրիոյ հարցով ՄԱԿ-ի եւ Արաբական   Լիկայի նախկին  պաշտօնակատար Քոֆի Անան յայտարարեց, թէ  Սուրիոյ ընդդիմութիւնը    քաղաքականապէս եւ  ռազմապէս  մասնատուած է:  Ան նշեց,թէ  վիթխարի աշխատանքի կը կարօտի  ընդդիմութեան միասնութիւնը:  Թուրքիոյ արտաքին գործոց նախարար Ահմէտ Տաւուտօղլու հերքեց  այն  տեղեկութիւնները, թէ  Իսրայէլը   սուրիական հողերու վրայ  յարձակում  գործելու միջոցին  օգտագործած է  թրքական  ռազմախարիսխներ:  Տաւուտօղլու բացարձակ անհիմն եւ  սուտ  լուր որակեց   այս մասին  շրջող տեղեկութիւնները:

  Ճեպհէթ Ալ Նուսրայի անդամ  երեք ձերբակալուած  ծայրայեղականներ խոստովանեցան, թէ  Պենկազիի  ճամբով  հասած են  Իսթանպուլ, ապա՝ Անթաքիա, ուրտեղէն թափանցած են Սուրիա:  Անոնք ութ ամիսէ կը գտնուին սուրիական  հողերու վրայ:  Ահաբեկիչները  հաստատեցին, թէ  Ալ Քայիտա եւ  թրքական բարեգործական  միութիւններ կը  հոգան իրենց  փոխադրութեան եւ  ծառայութիւններուն  ծախսերը:  Անոնց խոստովանութեամբ,  բազմաթիւ  թունուզցիներ   կը  պայքարին ծայրայեղականներու  շարքերուն մէջ:

Ապահովական գետնի վրայ  բանակը  կը շարունակէ պաշարել Հոմսի, Հալէպի եւ Դամասկոսի այն շրջաննեը, ուր թափանցած են  օտարերկրեայ վարձկաններ:  Միւս կողմէ, Դամասկոսի մէջ Կիրակի  գիշեր, ականուած ինքնաշարժին   պայթումին հետեւանքով  զոհերուն թիւը բարձրացաւ  13-ի:

LEAVE A REPLY

Please enter your comment!
Please enter your name here