ԵԱՀԿ-Ի ԳՈՐԾՈՂ ՆԱԽԱԳԱՀԸ ԺԱՄԱՆԵՑ ԵՐԵՒԱՆ

0
126

 ԵԱՀԿ-ի գործող նախագահ,  Ուքրանիոյ  արտաքին գործոց նախարար  Լէոնիտ Քոժարա ժամանեց   Հայաստան:    Քոժարա  հանդիպումներու  շարքը  սկսաւ  արտաքին գործոց նախարար  Էտուարտ Նալպանտեանի հետ տեսակցութեամբ մը, որմէ անմիջապէս ետք, անոնք կնքեցին  միացեալ մամլոյ ասուլիս մը:  Քոժարա  խուսափեցաւ պատասխանելու  Ատրպէյճանի մէջ  ընդդիմադիր լրագրողները   հետապնդելու  մասին  ուղղուած  հարցումի մը:  Ան  աւելի անդրադարձաւ  Լեռնային  Ղարաբաղի հակամարտութեան  կարգաւորման  գործընթացին եւ   նշեց, թէ մինչեւ տարեվերջ հանդիպում մը նախատեսուած է  երկու  երկիրներու նախագահներուն  միջեւ:  Իր կարգին, Նալպանտեան հերքեց ազերիկան  կողմի այն յայտարարութիւնը, թէ Վիեննայի մէջ,  12  Յուլիսին,   ազերի իր պաշտօնակիցին  հետ  ունեցած հանդիպումին ընթացքին, իբրեւ թէ  Էլմար Մամետիարով ըսած ըլլար, թէ  հակամարտութեան կարգաւորման  գործընթացը   կրնայ շարունակուիլ  միայն « շրջափակուած  տարածքները ազատելու » պարագային:

Մամլոյ ասուլիսի աւարտին  Նալպանտեան  յայտնե, թէ Հայաստան  կ’աջակցի  ԵԱՀԿ- ծիրէն ներս  Ուքրանիոյ  նախագահութեան  նախաձեռնութիւններուն:

LEAVE A REPLY

Please enter your comment!
Please enter your name here