ԻՍԼԱՄԱԿԱՆ ԵՂԲԱՅՐԱԿՑՈՒԹԻՒՆԸ ԱՊՍՏԱՄԲՈՒԹԵԱՆ ԿՈՉ Կ’ՈՒՂՂԷ ԵԳԻՊՏՈՍԻ ՄԷՋ

0
113

Իսլամական  Եղբայրակցութիւն շարժումը  արիւնահոսութեան եւ ապստամբութեան կոչ ուղղեց Եգիպտոսի մէջ: Այս մասին կը  վկայէ հեռատեսելի «Ալ Արապիյէ»   կայանը ՝  վկայակոչելով  փաստաթուղթեր, որոնք կը գտնուին անոր   տրամադրութեան տակ:  Իսլամական Եղբայրակցութիւնը կը հերքէ նման փաստաղուղթերու եւ  որոշումի մը իրողութիւնը:  Միացեալ Նահանգներու պետական քարտուղարութեան օգնական Ուիլիյըմ Պըրնզ  ժամանեց Գահիրէ եւ  հանդիպում մը  ունեցաւ  պաշտպանութեան նախարար Ապտէլ Ֆաթահ  Սիսիի, վարչապետ Հազէմ Պեպլաուիի հետ:   Պըրնզ խիստ  մտահոգիչ  գնահատական տուաւ  Եգիպտոսի  կացութեան:

 Թուրքիոյ նախագահ Ապտուլլա  Կիւլ  նամակ մը ստացաւ  Եգիպտոսի  ժամանակաւոր նախագահ Ատլի  Մանսուրէն: Նամակին մէջ, Մանսուր կը հաւաստէ  երկու երկիրներուն միջեւ  փոխյարաբերութիւնները   խորացնելու  երկու երկրիներուն յանձնառութիւնը, ինչպէս նաեւ լուսաբանութիւն կու տայ  Եգիպտոսի  վերջին զարգացումներուն  վերաբերեալ: Եգիպտոսի  գլխաւոր  դատախազը  ժամանակաւորապէս  սառեցուց  իսլամիստ 14  ղեկավարներու  դրամատնային հաշիւները:

Քաղաքական եւ ապահովական անորոշութեան մէջ, վարչապետ Հազէմ  Պեպլաուի յայտարարեց, թէ   նոր կառավարութեան  յայտարարութիւնը  ժամերու հարց է:

LEAVE A REPLY

Please enter your comment!
Please enter your name here