ԼԻԲԱՆԱՆԵԱՆ ԿԱՐՃ ԼՈՒՐԵՐ

0
114

– Խորհրդարանի նախագահ Նեպիհ Պըրրի,  Այն Էլ Թինէի մէջ  ընդունեց  Լիբանանի մօտ Ֆրանսայի դեսպան Փաթրիս Փաուլին,  Մեքսիքոյի դեսպանը՝  Ճէյմ  Կարսիա  Ամարալը,  նախկին նախարար Ժան Օպէյտը եւ  շնորհակալական հեռագիր մը ստացաւ  Եգիպտոսի   ժամանակաւոր  նախագահ Ատլի Մանսուրէն:

– Քաղաքական   դէտեր, Հըզպալլայի ընդհանուր քարտուղար  Հասան Նասրալլայի եւ   Ազգային Ազատ  Հոսանքի  պետ  Միշէլ Աունի միջեւ հանդիպում մը կը նախատեսեն  յառաջիկայ  օրերուն:  Հըզպալլայի աղբիւրներ  Պըրրիին փոխանցած են, թէ  Միշէլ Աունի հետ  փոխյարաբերութիւններու պահպանումը պիտի մնայ  առաջնայնութիւն:

-Զինուորական ատեանի  առաջին դատախազ  Ռիատ Ապու  Ղիտա  հարցաքննեց  Ապրայի միջադէպին ձերբակալեալները:

– Լիբանանեան բանակի ընդհանուր հրամանատար զօրավար Ժան Քահուաճի, Եարզէի իր գրասենեակին  մէջ ընդունեց  զբօսաշրջութեան նախարարի պաշտօնակատար  Ֆատի Ապուտը եւ անոր հետ քննարկեց ներլիբանանեան բեմին վերջին զարգացումները:

 

LEAVE A REPLY

Please enter your comment!
Please enter your name here