ՇԵՐՊԷԼ՝ ԱԶԷԶԻ ԱՐԳԵԼԱՓԱԿԵԱԼՆԵՐՈՒՆ ՈՐՈՇՈՒՄԸ ԹՈՒՐՔԻՈՅ ՄՕՏ ԿԸ ՄՆԱՅ

0
94

Ներքին գործոց  նախարարի  գործակատար  Մարուան Շերպէլ այցելեց  Ռումիյէի  արգելարանը եւ  ծանօթացաւ   բանտարկեալներուն  կենցաղային պայմաններուն:   Նախարարը  նաեւ քննարկեց ապահովական հարցեր:Նախարարը իրաւապահական մարմիններէն   պահանջեց  չուշացնել արգելփակեալներու  դատավարութիւնները:   Ան  նաեւ յայտարարեց, թէ  Ազէզի մէջ անցնող տարուան Մայիսին առեւանգուած լիբանանցիներու  ճակատագիրը կախեալ է  թրքական իշխանութիւններու ընթացքէն:  Շերպէլ հերքեց   տուեալ թղթածրարին առնչութեամբ սուրիական իշխանութիւններու  հասցէին կատարուող ամբաստանութիւնները:  Նախարարը  յայտնեց, թէ  Քաթարի   ներկայացուցիչին մասնակցութեամբ տեղի ունեցած  բանակցութիւններուն ընթացքին, թրքական   իշխանութիւններուն  փոխանցուած է  Սուրիոյ կողմէ ազատ արձակուելիք  արգելափակեալներուն  ցանկը, հետեւաբար  թրքական կողմին  կը մնայ  առնել նախաքայլը:  Շերպէլ այցելեց  վարչապետարան եւ հանդիպում մը ունեցաւ  հրաժարեալ վարչապետ   Նեժիպ Միքաթիի հետ:

LEAVE A REPLY

Please enter your comment!
Please enter your name here