ՍԱԼԱՄ ՔԱՋԱԼԵՐԱԿԱՆ ՔԱՅԼԵՐ ՉԻ ՏԵՍՆԵՐ ՄՕՏԻԿ ԱՊԱԳԱՅԻՆ

0
100

 Նորանշանակ   վարչապետ Թամամ Սալամ  յայտարարեց, թէ   քաղաքական ուժերէն ոչ ոք  հաղորդակցութեան մէջ կը մտնէ  իր հետ:  Սալամ  նշեց, թէ կազմութեան  աշխատանքները կ’ընթանան դանդաղ եւ  քաջալերական  քայլեր չի նախազգար  մօտիկ ապագային:   Սալամ հաւաստեց, թէ Նեպիհ Պըրրի   եւ Ուալիտ  ճոմպլաթ   միակ ուժերն են, որոնք օգնութեան  ձեռք կը մեկնեն: Լրատուական կարգ մը աղբիւրներ կը   հաղորդեն, թէ  Սէուտական Արաբիոյ  մօտ  Թամամ Սալամը՝  Սաատ  Հարիրիով  կամ  Ֆուատ  Սինիորայով  փոխարինելու տրամադրութիւն մը  ծագած է  վերջին շրջանին:  

Լիբանանեան Ուժեր կուսակցութեան գործադիր խորհուրդի  պետ Սամիր Ժաաժա  ըսաւ, թէ անկարելի պիտի  ըլլայ  ընդունիլ Հըզպալլայի մասնակցութեամբ կառավարութիւն մը:  Ժաաժա պահանջեց  առանց քաղաքական մեծ հոսանքներու մասնակցութեամբ կառավարութիւն մը:

Հաւատարմութիւն  Դիմադրութեան խորհրդարանական խմբաւորումի պետ  Մուհամմէտ Ռաատ  դիտել տուաւ, թէ  Հըզպալլա պայմաններ  չի դներ կառավարութեան կազմութեան առջեւ,այլ կ’աշխատի լուծում  գտնել ցցուող  արգելքներուն:   Սալամ ընդուեց  Լիբանան-Սուրիա գերագոյն խորհուրդի ընդհանուր  քարտուղար  Նասրի Խուրին եւ անոր հետ  քննարկեց   ներլիբանանեան  բեմի վերջին զարգացումները:

 

LEAVE A REPLY

Please enter your comment!
Please enter your name here