ՔԵՐՐԻ ԱՅՍՕՐ ՊԻՏԻ ԺԱՄԱՆԷ ՄԻՋԻՆ ԱՐԵՒԵԼՔ

0
104

Պաղեստինեան Իշխանութեան գլխաւոր բանագնաց   Սայէպ Օրէյղաթ յայտարարեց, թէ  Միացեալ Նահանգներու պետական  քարտուղար  Ճոն Քերրի այսօր՝ Երեքշաբթի պիտի  ժամանէ  Միջին Արեւելք, շարունակելու՝ իսրայէլապաղեստինեան  խաղաղութեան բանակցութիւնները:  Քերրիի այցելութիւնը Շրջան՝   Փետրուարէն ետք պիտի ըլլայ   վեցերորդը: Ան  հանդիպումներ  պիտի ունենայ  վարչապետ  Պենիամին Նեթանիահուի եւ  Մահմուտ Ապպասի հետ:  

Վարչապետ  Պենիամին Նեթանիահու հեռախօսային զրոյց մը ունեցաւ Մահմուտ Ապպասի հետ եւ յայտնեց, թէ  վճռած է  վերսկսիլ խաղաղութեան բանակցութիւններուն: Այլ  մանրամասնութիւններ չտրուեցան  այս խօսակցութեան վերաբերեալ:

Գետնի վրայ, երէկ առաւօտեան, աւելի քան  150  հրեայ  ծայրայեղականներ խուժեցին Աքսա  մզկիթը եւ  փորձեցին   մզկիթէն դուրս արտաքսել իրենց կրօնական պարտականութիւնը կատարող  հաւատացեալները:  Ոստիկանութիւնը  միջամտեց եւ մզկիթէն հեռացուց ծայրայեղականները:

LEAVE A REPLY

Please enter your comment!
Please enter your name here