ԳԱՀԻՐԷ ՊԱՇՏՕՆԱՊԷՍ ԹՈՒՐՔԻԱՅԷՆ ՊԱՀԱՆՋԵՑ ՉՄԻՋԱՄՏԵԼ ԻՐ ՆԵՐՔԻՆ ԳՈՐԾԵՐՈՒՆ

0
134

 Եգիպտոսի նախագահութեան  տեղեկատուութեանց բաժնի  ներկայացուցիչ  Ահմէտ  Մուսլեմանի  Թուրքիայէն պաշտօնապէս պահանջեց   միջամուխ չդառնալ իր  երկրին ներքին  զարգացումներուն: « Եգիպտոս  որեւէ  ձեւով չմիջամտեց Թաքսիմ հրապարակի  հաւաքներուն, կ’ակնկալուի, որ  Թուրքիա նոյնանման  մօտեցում ցուցաբերէ  Եգիպտոսի հանդէպ» յայտնեց  խօսնակը: Մուսլեմանի նաեւ յայտնեց, թէ իշխանութիւնները բանակցութիւն կը վարեն  Իսլամական Եղբայրակցութեան եւ  իսլամիստ հոսանքներու հետ ՝ համախոհական կառավարութիւն մը կազմելու նպատակով:  Ան  նշեց, թէ   բանակցութիւնները  մինչեւ օրս  կը մնան ապարդիւն:

Առնուազն մէկ մարդ  զոհուեցաւ եւ հարիւրէ աւելի ուրիշներ վիրաւորուեցան  ոստիկանութեան եւ  պաշտօնանկ դարձած նախագահ Մոհամմէտ Մորսիի  կողմնակիցներուն  միջեւ  ծայր  առած  բախումներուն հետեւանքով: Մորսիի հազարաւոր կողմնակիցներ   մայրաքաղաք Գահիրէի եւ այլ  քաղաքներու գլխաւոր արուարձաններու մէջ կը պահանջեն  վերականգնել  անոր պաշտօնը:

Իրանի արտաքին գործոց նախարար  Ալի Աքպար Սալեհի   հեռաձայնային  հաղորդակցութիւն մը ունեցաւ Եգիպտոսի  հրաժարեալ կառավարութեան իր պաշտօնակիցին՝  Մուհամմէտ Ամրոյի, ինչպէս նաեւ  նորանշանակ ժամանակաւոր փոխնախագահ  Մուհամմէտ Ալ Պարատէյի հետ

LEAVE A REPLY

Please enter your comment!
Please enter your name here