ԹՐՔԱԿԱՆ ԱՊԱՏԵՂԵԿԱՏՈՒԱԿԱՆ ԵՒ ՈՒՐԱՑՈՒՄԻ ԱՐՇԱՒԸ ԿԸ ՇԱՐՈՒՆԱԿՈՒԻ

0
123

Թուրքիոյ Պատմագիտական Ընկերութիւնը կը պատրաստուի կազմելու ժողովածոյ մը՝ հայ-թրքական յարաբերութիւններու զարգացման պատմական փուլերուն վերաբերեալ. այս մասին կը հաղորդէ թրքական «Անատոլու» լրատու գործակալութիւնը:
Թուրքիոյ պատմագիտական ընկերութեան նախագահ Մեհմէտ Մեթին Հիւկալու նշած է, որ ժողովածուին մէջ տեղ պիտի գտնեն զանազան պատմաբաններու աշխատանքներ՝ նուիրուած հին եւ նոր շրջաններու թուրք-հայկական յարաբերութիւններուն:
Շարունակելով թրքական աւանդական ուրացման արշաւը ու պատմական իրադարձութիւնները խեղաթիւրելու ջանքերը՝ Հիւկալու յոյս յայտնած է, որ Հայկական Ցեղասպանութեան 100-րդ տարելիցին ընդառաջ այս ժողովածոն պիտի նպաստէ Ցեղասպանութեան մասին Թուրքիոյ տեսակէտը եւս աշխարհին ծանօթացնելու աշխատանքին:
Ժողովածոն կազմելու աշխատանքը պէտք է աւարտի 2014-ին:

 

LEAVE A REPLY

Please enter your comment!
Please enter your name here