ԻՏԱԼԱԿԱՆ ԶԻՆՈՒՈՐԱԿԱՆ ՊԱՏՈՒԻՐԱԿՈՒԹԻՒՆ ՄԸ ԱՅՑԵԼԵՑ ԼԻԲԱՆԱՆ

0
137

Նախքան երեկոյեան «իֆթար»ը,  հանրապետութեան նախագահ Միշէլ Սըլէյման Պաապտայի պալատին մէջ  գլխաւորեց աշխատանքային  նիստի մը՝  հրաժարեալ վարչապետ Նեժիպ Միքաթիի,  ընկերային  հարցերու  հրաժարեալ նախարար Ուայէլ Ապու Ֆաուրի մասնակցութեամբ:  Նիստի ընթացքին քննարկուեցան Լիբանան  տեղափոխուած սուրիացի գաղթականներուն համար   բարգաւաճման սնտուկ մը ստեղծելու կարելիութիւնները:  Ժողովին մասնակիցները համաձայնեցան   համաձայնագիր մը կնքել  Համաշխարհային  եւ Լիբանանի Կեդրոնական Դրամատուներուն միջեւ, սուրիացի գաղթականներուն ընկերային ծառայութիւններ եւ սննդեղէն մատուցելու նպատակով: :  

Նախագահ  Սըլէյման Պաապտայի  պալատին մէջ ընդունեց  իտալական զինուորական   բարձրաստիճան  պատուիրակութիւն մը, բանակի ընդհանուր հրամանատար, զօրավար  Գլաուտիօ  Կրացիանոյի գլխաւորութեամբ: Իտալական պատուիրակութիւնը նաեւ այցելեց   նորանշանակ վարչապետ Թամամ Սալամին եւ հրաժարեալ վարչապետ Նեժիպ Միքաթիին:  Սըլէյման ապա  ընդունեց Լիբանանի մօտ  Բրիտանիոյ դեսպան   Թոմ Ֆլեչրը եւ  քննարկեց  երկու պետութիւններուն միջեւ համագործակցութեան կարելիութիւնները: Դեսպանը  խոստացաւ  մօտաւորապէս  քսան  միլիոն տոլար  արժողութեամբ  սարքաւորումներ  փոխանցել  լիբանանեան բանակին, ինչպէս նաեւ 75  միլիոն տոլար արժողութեամբ մարդասիրական  օգնութիւն՝  սուրիացի գաղթականներուն:   Ֆլեչըր  միաժամանակ դրուատեց   Լիբանանի ապահովական կայունութիւնը պահպանելու նախագահ Սըլէյմանի  ճիգերը

LEAVE A REPLY

Please enter your comment!
Please enter your name here