ԼԻԲԱՆԱՆԵԱՆ ԿԱՐՃ ԼՈՒՐԵՐ

0
113

-Նորանշանակ վարչապետ Թամամ Սալամ  յայտնեց, թէ կը հաւատայ  քաղաքական  հոսանքներու  բարի կամեցողութեան, հետեւաբար համոզուած է, որ  հասկացողութիւն պիտի  յաջողի ստեղծել բոլոր ուժերուն  միջեւ եւ կազմել կառավարութիւն:

-Պըքերքէ   աշխատանքի  լծուած է   գարտինալ  Պշարայի Ռայիի  հովանաւորութեան տակ   խորհրդաժողովի   մը  հաւաքելու   մարոնի  չորս  ղեկավարներ՝  Ամին Ճեմայէլը, Սամիր Ժաաժան,  Միշէլ Աունը եւ  Սըլէյման Ֆրանճիյէն՝ միասնաբար քննարկելու երկրին իրավիճակը:

 -Խորհրդարանը համատեղելու   անկարելիութեան  պատճառով, իրաւական տարբեր  ելք մը կը  փնտռուի,  բանակի  ընդհանուր հրամանատար զօրավար Ժան Քահուաճիի  եւ  շտապի  պետ  հազարապետ  Ուալիտ   Սալմանի պաշտօնավարութեան  ժամկէտները երկարաձգելու  ուղղութեամբ:

– Ապահովական աղբիւրներ  առաւելագոյն  զգուշութիւն  կը   թելադրեն քաղաքացիներուն՝  լիբանանեան  բեմին վրայ  Ճեպհէթ Ալ Նուսրա  ահաբեկչական կազմակերպութեան    յայտնութեան  պատճառով: Ապահովական մարմիններ  ցարդ  ձերբակալած են  վերոյիշեալ  կազմակերպութեան  վեց անդամներ:

–  Ներքին գործոց նախարարի պաշտօնակատար  Մարուան Շերպէլ  յայտնեց, թէ ապահովական խիստ կանխամիջոցներ պիտի  ձեռնարկուին  Ռումիյէի   բանտին մէջ: Շերպէլ  նշեց,թէ  Ազէզի մէջ առեւանգուած լիբանանցիներէն երկու կամ երեք անձ  ազատ արձակելու խոստում  մը  ստացած են առեւանգողներէն:

– Համակարգումի խորհուրդի   նախագահ   Հաննա Ղարիպ  ստորագրահաւաքի մը  կոչ ուղղեց  հանրութեան՝   պետական մարզի պաշտօնեաներու աշխատավարձերու յաւելումը  անմիջապէս գործադրութեան դնելու պահանջով:

–  Ընդհանուր անվտանգութեան ընդհանուր  տնօրէն, հազարապետ  Ապպաս Իպրահիմ  հերքեց Ազէզի  մէջ առեւանգուած լիբանանցիներուն  մասին  մամուլի մէջ լոյս  ընծայուող   տեղեկութիւնները: Ան  դիտել տուաւ, որ անտեղի մեկնաբանութիւնները կրնան  խանգարել առեւանգեալներուն  ազատ արձակումը:

 –  Ելեկտրական ընկերութեան  ոչ մնայուն պաշտօնեաները  խորհրդարանին առջեւ  նստացոյց մը որոշեցին կատարել Երկուշաբթի, 29  Յուլիսին: Երէկ առաւօտեան  անոնք  ժամանակաւորապէս փակեցին  ելեկտրականութեան   շէնքին առջեւի   ճանապարհը:  

– Խորհրդարանական պաշտպանութեան  յանձնախումբը   նիստ մը պիտի գումարէ  Հինգշաբթի, կէսօրուան  ժամը  12-ին: Յանձնախումբի անդամները պիտի  լսեն  Սայտայի  միջադէպերուն  վերաբերեալ  պաշտպանութեան նախարարին տեղեկագիրը:

-Լրատուական   աղբիւրներ հաղորդեցին, թէ  Երկուշաբթի  ուշ երեկոյեան հանդիպում մը  տեղի ունեցած է  երեսփոխան  Միշէլ Աունի եւ  Հըզպալլայի   ընդհանուր քարտուղար Հասան Նասրալլայի  միջեւ: Հանդիպումը առիթ մը եղած է  քննարկելու  Մարտ  8-ի ուժերուն միջեւ  վերջին շրջանին առկայ տարակարծութիւնները, որոնց մէջ  բանակի  հրամանատարին   պաշտօնավարութեան երկարաձգումը, կառավարութեան կազմութիւնը եւ շրջանային հարցեր: Սակայն  լրատուական այլ աղբիւրներ  հերքեցին  նման  հանդիպումի մը  իրողութիւնը…:

LEAVE A REPLY

Please enter your comment!
Please enter your name here